സൗദിയില്‍ വാഹനാപകടം; തൃത്താല സ്വദേശി ഉള്‍പ്പെടെ രണ്ടുപേര്‍പേര്‍ മരിച്ചു
റിയാദ്: സൗദിയില്‍ വാഹനാപകടത്തില്‍ മലയാളി ഉള്‍പ്പെടെ രണ്ടുപേര്‍ മരിച്ചു. കിഴക്കന്‍ സൗദിയിലെ അബ്ഖൈഖിന് സമീപം ഉണ്ടായ വാഹനാപകടത്തിലാണ് മലയാളിയും ഹൈദരാബാദ് സ്വദേശിയും മരിച്ചത്. തൃത്താല സ്വദേശിബഷീര്‍ ആണ് മരിച്ച മലയാളി. ഹൈദരാബാദ് സ്വദേശി ടാറ്റാ കണ്‍സള്‍ട്ടന്‍സി ഉദ്യോഗസ്ഥനാണ്.
ഇവര്‍ക്കൊപ്പം സഞ്ചരിച്ച മറ്റൊരു മലയാളി അയ്യൂബ് ഗുരുതരമായി പരിക്കേറ്റ് അബ്ഖൈഖ് ജനറല്‍ ആസ്പത്രിയില്‍ തീവ്രപരിചരണ വിഭാഗത്തിലാണ്. ബഹ്റൈനില്‍ റിയാദിലേക്ക് മടങ്ങിവരികയായിരുന്നു മൂവരും. ദമ്മാം-റിയാദ് ഹൈവേയില്‍ അബ്ഖൈഖിന് സമീപം വെച്ച് എതിരെ വന്ന ട്രെയ്ലര്‍ നിയന്ത്രണം വിട്ട് ഇവരുടെ കാറിന് മുകളിലേക്ക് മറിയുകയായിരുന്നു.
ബഷീറാണ് കാര്‍ ഓടിച്ചിരുന്നത്. രണ്ടുപേരും തല്‍ക്ഷണം മരിച്ചു. മൃതദേഹങ്ങള്‍ അബ്ഖൈഖ് ജനറല്‍ ആസ്പത്രി മോര്‍ച്ചറിയിലേക്ക് മാറ്റി. ബഷീറിന്റെ സഹോദരന്‍ അലി കഴിഞ്ഞവര്‍ഷം റിയാദില്‍ കെട്ടിടത്തിന് മുകളില്‍ നിന്ന് വീണുമരിച്ചിരുന്നു. റിയാദിലെ ആദ്യകാല മലയാളി ഫുട്ബാള്‍ ടീം ആയ സി.ആര്‍.ബിയുടെ സ്ഥാപകരില്‍ ഒരാളുമാണ് ബഷീര്‍. റിയാദിലെ പ്രമുഖ ഫുട്ബാള്‍ സംഘാടകനും അറിയപ്പെടുന്ന ഗായകനുമായിരുന്നു ബഷീര്‍.
RECENT NEWS
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]
