സി.പി.എം. നേതാവ് എം.എം.നാരായണന്റെ ഭാര്യ കുറ്റിപ്പുറത്ത് ട്രെയിന് ഇടിച്ചു മരിച്ചു
കുറ്റിപ്പുറം: സി.പി.എം. മലപ്പുറം ജില്ലാ കമ്മിറ്റി അംഗവും പുരോഗമന കലാസാഹിത്യ സംഘം സംസ്ഥാന സെക്രട്ടറിയുമായ പ്രൊഫസര് എം.എം.നാരായണന്റെ ഭാര്യ ജയശ്രീ(60) യെ ട്രെയിന് ഇടിച്ചു മരിച്ചു. ഇന്ന് ഉച്ചയ്ക്ക് 12.30ന് കുറ്റിപ്പുറം റെയില്വേ സ്റ്റേഷനിലായിരുന്നു സംഭവം. പൊന്നാനി പള്ളപ്രം എ.എല്.പി. സ്കൂള് റിട്ടയര് അധ്യാപികയാണ്. ഇന്നലെ രാവലെ പത്തരയോടെ പൊന്നാനിയിലെ വീട്ടില് നിന്ന് ബസ് മാര്ഗം കുറ്റിപ്പുറത്തെത്തിയതായിരുന്നു. തുടര്ന്ന് റെയില്വേ സ്റ്റേഷനിലെ മധ്യഭാഗത്തെ ട്രാക്കില് ഗുഡ്സ് ട്രെയിനിടിച്ചണ് മരിച്ചത്.
ട്രെയിനിന് മുന്നിലേക്ക് ചാടുകയായിരുന്നുവെന്നാണ് ദൃക്സാക്ഷികള് പോലീസിനോട് പറഞ്ഞു. അതേ സമയം മൊബൈലില് സംസാരിച്ച് നടക്കുന്നതിനിടയിലാണ് അത്യാഹിതമെന്നും പറയുന്നു. ഭര്ത്താവ് കോഴിക്കോട്ടേക്ക് പോയതായിരുന്നു. തിരൂര് ഭാഗത്തേക്ക് പ്ലാറ്റ്ഫോം കഴിഞ്ഞുള്ള സ്ഥലത്താണ് സംഭവം നടന്നത്. മക്കള്: ദിലീപ് (പി.ആര്.ഒ പരിയാരം മെഡിക്കല് കോളജ്),ദിവ്യ (കര്ണാടക ബാങ്ക് കൊല്ക്കത്താ).മരുമക്കള്: മായ, സത്യനാരായണന്.
RECENT NEWS
സ്ത്രീത്വത്തെ അപമാനിച്ച സി പി എം തെന്നല പഞ്ചായത്ത് മെംബറെ പുറത്താക്കണം- എ പി അനിൽകുമാർ
മലപ്പുറം: തെന്നല പഞ്ചായത്തിലെ സിപിഎം ലോക്കൽ കമ്മിറ്റി മുൻ സെക്രട്ടറിയും പഞ്ചായത്തിലേക്ക് തെരഞ്ഞെടുക്കപ്പട്ടെ വ്യക്തിയുമായ സെയ്തലവി മജീദിന്റെ വിദ്വേഷ പ്രസംഗം സ്ത്രീ വിരുദ്ധവും അങ്ങേയറ്റം മനുഷ്യത്വവിരുദ്ധമാണെന്ന് കെപിസിസി വർക്കിംഗ് പ്രസിഡൻറ് എ പി [...]
