മഞ്ചേരിയില്‍ തമിഴ് യുവതിയെ പീഡിപ്പിക്കാന്‍ ശ്രമിച്ച യുവാവ് റിമാന്റില്‍
മഞ്ചേരി: മഞ്ചേരിയില്‍ തമിഴ് യുവതിയെ പീഡിപ്പിക്കാന്‍ ശ്രമിച്ച യുവാവ് റിമാന്റില്‍. താഴെ ഓമശ്ശേരി പുത്തൂര്‍ പുതുവാരിടത്തില്‍ ലത്തീഫ് (31)നെയാണ് മജിസ്‌ട്രേറ്റ് ഇ വി റാഫേല്‍ 14 ദിവസത്തേക്ക് റിമാന്റ് ചെയ്തത്. ഇക്കഴിഞ്ഞ 24ന് ഊര്‍ങ്ങാട്ടിരി തോട്ടുമുക്കത്താണ് സംഭവം. കുഴിനക്കിപ്പാറയിലെ കോഴി ഫാമില്‍ ജോലി ചെയ്തു വരികയായിരുന്നു യുവതി. ജോലി കഴിഞ്ഞ് രാത്രി 11 മണിയോടെ കോഴിഫാമിന്റെ പരിസരത്തു തന്നെയുള്ള താമസ സ്ഥലത്തേക്ക് പോകവെ പ്രതി വഴിയില്‍ തടഞ്ഞ് നിര്‍ത്തി മാനഹാനി വരുത്തുകയായിരുന്നു. ഇംഗിതത്തിന് വഴങ്ങാത്ത യുവതിയെ ശാരീരികമായി അക്രമിച്ചതായും പരാതിയുണ്ട്. പരാതിയെ തുടര്‍ന്ന് ഒളിവിലായിരുന്ന പ്രതിയെ ഇന്നലെ വാലില്ലാപുഴയില്‍ നിന്നാണ് അരിക്കോട് പൊലീസ് അറസ്റ്റ് ചെയ്തത്.
RECENT NEWS
വോട്ട് ചെയ്യാൻ വരുന്നതിനിടെ അപകടത്തിൽ പെട്ട് പരപ്പനങ്ങാടി സ്വദേശി മരിച്ചു
പരപ്പനങ്ങാടി: ലോറിയിടിച്ച് സ്കൂട്ടര് യാത്രികൻ മരിച്ചു. ചെറമംഗലം കുരുക്കള് റോഡ് സ്വദേശി സൈദുഹാജി(70) യാണ് മരിച്ചത്. അപകടത്തിൽ ഗുരുതരമായി പരിക്കേറ്റതിനെ തുടർന്ന് സ്വകാര്യ ആശുപത്രിയിൽ ചികിൽസയിലായിരുന്നു. 12.30 ഓടെ മരണപ്പെടുകയായിരുന്നു. [...]
