തിരൂരില്‍ രണ്ട് പ്ലസ്‌വണ്‍വിദ്യാര്‍ഥികള്‍ കുളത്തില്‍ മുങ്ങി മരിച്ചു
തിരൂര്‍: തിരൂര്‍ തൃപ്രങ്ങോട് ബീരാഞ്ചിറയില്‍ രണ്ട് പ്ലസ്‌വണ്‍വിദ്യാര്‍ഥികള്‍ കുളത്തില്‍ മുങ്ങി മരിച്ചു. കാരത്തൂര്‍ മര്‍കസ് ഇംഗ്ലീഷ് മീഡിയം സ്‌കൂളിലെ പ്ലസ് വണ്‍ വിദ്യാര്‍ഥികളായ ബീരാഞ്ചിറ മുളക്കപറമ്പില്‍ ആരിഫിന്റെ മകന്‍ ആസിഫ് അലി ( 16), ചെറു പറമ്പില്‍ ഷാഫിയുടെ മകന്‍ അര്‍ഷാദ് ( 16) എന്നിവരാണ് മുങ്ങി മരിച്ചത്. സ്‌ക്കൂള്‍ വിട്ട് കൊടക്കല്ലിനടുത്ത് ബി.കെ പടി ബങ്കുളം കുളത്തില്‍ കുളിക്കാനിറങ്ങിയ കുട്ടികള്‍ ആഴത്തില്‍ പ്പെടുകയായിരുന്നു. കൂടെ കുളിച്ചിരുന്ന കുട്ടികള്‍ ബഹളം വെച്ചതിനെ തുടര്‍ന്ന് നാട്ടുകാരും തിരൂര്‍ ഫയര്‍ ഫോഴ്‌സും സ്ഥലത്തെത്തി ഇരുവരേയും കരക്കെത്തിച്ചു. തുടര്‍ന്ന് കൊടക്കല്‍ ആശുപത്രിയില്‍ നിന്നും പ്രാഥമിക ശുശ്രൂഷകള്‍ക്കു ശേഷം കോട്ടയ്ക്കല്‍ സ്വകാര്യ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.
RECENT NEWS
സംഘ പരിവാറിന്റെ അതേ മനസാണ് കോൺഗ്രസിനെന്ന് മുഖ്യമന്ത്രി
തിരൂർ: സംഘ്പരിവാറിൻ്റെ മനസാണ് കോൺഗ്രസിനെന്നും ബി.ജെ.പിയുടെ കേരളവിരുദ്ധ മനോഭാവത്തിനൊപ്പം നിൽക്കുകയാണ് യു.ഡി.എഫെന്നും മുഖ്യമന്ത്രി പിണറായി വിജയൻ. എൽ.ഡി.എഫ് സ്ഥാനാർത്ഥി കെ.എസ് ഹംസയുടെ പൊന്നാനി മണ്ഡലം തെരഞ്ഞെടുപ്പ് റാലി ആലത്തിയൂരിൽ ഉദ്ഘാടനം ചെയ്തു [...]
