ലോകക്കപ്പ് ഫുട്‌ബോള്‍: 2000ഗോളടിച്ച് അരീക്കോട് സ്‌കൂള്‍

അരീക്കോട്: ലോകക്കപ്പ് ഫുട്‌ബോളിനെ വരവേല്‍ക്കാന്‍ രണ്ടായിരം ഗോളുകള്‍ അടിച്ച് അരീക്കോട് സുല്ലമുസ്സലാം ഓറിയന്റല്‍ ഹയര്‍ സെക്കണ്ടറി സ്‌കൂള്‍ വിദ്യാര്‍ഥികള്‍. സ്‌കൂളിലെ പൂര്‍വ വിദ്യാര്‍ഥിയും ഈ വര്‍ഷം സന്തോഷ് ട്രോഫി ഫുട്‌ബോള്‍ ജേതാക്കളായ കേരള ടീം അംഗവുമായ വൈ.പി.മുഹമ്മദ് ശരീഫ് ആദ്യ ഗോള്‍ അടിച്ച് പരിപാടി ഉദ്ഘാടനം ചെയ്തു. സ്‌കൂള്‍ കായിക വകുപ്പിന്റെയും, എന്‍.എസ്.എസ് യൂണിറ്റിന്റെയും സംയുക്ത ആഭിമുഖ്യത്തിലാണ് പരിപാടി സംഘടിപ്പിച്ചത്. പ്രിന്‍സിപ്പാള്‍ കെ.ടി.മുനീബ് റഹ്മാന്‍, എന്‍.എസ്.എസ് പ്രോഗ്രാം ഓഫീസര്‍ മുഹ്‌സിന്‍ ചോലയില്‍, കാമില്‍ കെ. വി, സുഹൈല്‍ കെ. പി, നിസാര്‍ കെ, നവാസ് ചീമാടന്‍, നസീര്‍ കെ, റാഫി ചോനാരി നേതൃത്വം നല്‍കി.

Sharing is caring!