10-ാം വര്‍ഷവും സമൂഹ നോമ്പുതുറയുമായി സി.എച്ച് സെന്റര്‍
പൊന്നാനി: താലൂക്ക് ആശുപത്രിയിലെ സമൂഹ നോമ്പുതുറയുടെ നന്മയ്ക്ക് പത്തു വര്‍ഷത്തിന്റെ തിളക്കം. റമദാനിലെ മുപ്പതു ദിവസവും നൂറുകണക്കിന് രോഗികള്‍ക്കും അവരുടെ കൂടെ നില്‍ക്കുന്നവര്‍ക്കും വിഭവസമൃദ്ധമായ നോമ്പ് തുറയാണ് പൊന്നാനി സി.എച്ച് സെന്ററിന്റെ നേതൃത്വത്തില്‍ നടന്നുവരുന്നത്.
മുഴുവന്‍ ദിവസങ്ങളിലും എട്ടോളം വിഭവങ്ങള്‍ നോമ്പ് തുറക്കായി സി.എച്ച് സെന്റര്‍ ഒരുക്കുന്നുണ്ട്. ഉദാരമതികളുടെ സഹകരണത്താലാണ് ഓരോ വര്‍ഷവും താലൂക്ക് ആശുപത്രിയില്‍ വിപുലമായ നോമ്പുതുറ സംഘടിപ്പിച്ചു വരുന്നത്.
ഈ വര്‍ഷത്തെ നോമ്പുതുറ വിതരണം ഹസ്സന്‍ ഹാജി കാലടി ഉദ്ഘാടനം ചെയ്തു.സി.എച്ച് സെന്റര്‍ പ്രസിഡണ്ട് സി.പി. ഹുസൈന്‍ കോയ തങ്ങള്‍ അധ്യക്ഷനായിരുന്നു . അഹമ്മദ് ബാഫഖി തങ്ങള്‍. സി.പി സക്കരിയ, എം. മൊയ്തീന്‍ ബാവ , പി.ടി.അലി, സെയ്ദ് പൊന്നാനി, കെ.വി. അഷ്‌ക്കര്‍ തുടങ്ങിയവര്‍ പ്രസംഗിച്ചു.
RECENT NEWS
ദാറുൽ ഹുദ മഹാരാഷ്ട്ര സെന്റർ ഉദ്ഘാടനം ചെയ്തു
തിരൂരങ്ങാടി: ദാറുൽ ഹുദ മഹാരാഷ്ട്രാ സെന്ററിന്റെ ഉദ്ഘാടനം പാണക്കാട് സാദിഖലി ശിഹാബ് തങ്ങൾ നിർവഹിച്ചു. മഹാരാഷ്ട്രയിലെ പാല്ഗര് ജില്ലയില് ഭീവണ്ടിക്കടുത്ത് കുഡൂസ് വഡോളിയിലാണ് വാഴ്സിറ്റിയുടെ ആറാമത് സെന്റര്‍ പ്രവര്ത്തിക്കുന്നത്. വൈസ് ചാന്സലര് ഡോ. [...]
