വേങ്ങരയില്‍ ആക്രി സാധനങ്ങള്‍ പെറുക്കി നടന്ന 11കാരനെ ചൈല്‍ഡ്‌ലൈന്‍ ചില്‍ഡ്രന്‍സ് ഹാമിലേക്ക് മാറ്റി
വേങ്ങര:ചൈല്‍ഡ് ലൈന്‍ സൗജന്യ നമ്പറായ 1098 ല്‍ ലഭിച്ച വിവരത്തിന്റെ അടിസ്ഥാനത്തില്‍ വേങ്ങര ബസ്റ്റാന്റ് പരിസരത്ത് ആക്രി സാധനങ്ങള്‍ പെറുക്കി നടന്ന പതിനൊന്നു വയസ് തോന്നിക്കുന്ന കുട്ടിയെ കണ്ടെത്തുകയായിരുന്നു. മുഷിഞ്ഞ നിലയില്‍, ഭക്ഷണം കഴിക്കാത്ത അവസ്ഥയില്‍ തളര്‍ന്ന് അവശനായ ബാലന്‍ തമിഴ്‌നാട് തിരുന്നാ മല സ്വദേശിയാണ്. വേങ്ങര സബ് ഇന്‍സ്‌പെക്ടര്‍ സംഗീത് പുനത്തിലിന്റെ സഹകരണത്തോടെ മലപ്പുറം ചൈല്‍ഡ് വെല്‍ഫയര്‍ കമ്മിറ്റി ചെയര്‍മാന്‍ എം.മണികണ്ഠന്‍ മുമ്പാകെ ഹാജരാക്കി ഇവരുടെ ഉത്തരവിന്റെ അടിസ്ഥാനത്തില്‍ തവനൂര്‍ ഗവ: ചില്‍ഡ്രന്‍സ് ഹോമിലേക്ക് മാറ്റി – ജില്ലയില്‍ ഇത്തരം കുട്ടികളെ കണ്ടെത്തിയാല്‍ ഇതിനു പിന്നില്‍ പ്രവര്‍ത്തിക്കുന്നവര്‍ക്കെതിരെ ശക്തമായ നിയമനടപടികള്‍ സ്വീകരിക്കുമെന്ന് ചൈല്‍ഡ് വെല്‍ഫയര്‍ കമ്മറ്റി ചെയര്‍മാന്‍ എം.മണികണ്ഠന്‍ പറഞ്ഞു. കുട്ടിയെ കണ്ടെത്തുന്നതിനും നടപടികള്‍ക്കും ചൈല്‍ഡ് ലൈന്‍ പ്രവര്‍ത്തകരായ മുഹ്‌സിന്‍ പരി, രാജു, കൃഷ്ണന്‍ നേതൃത്വം നല്‍കി.
RECENT NEWS
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]
