പൊന്നാനിയില് ശിവലിംഗം പ്രത്യക്ഷപ്പെട്ടു
![പൊന്നാനിയില് ശിവലിംഗം പ്രത്യക്ഷപ്പെട്ടു](https://cdn.statically.io/img/malappuramlife.com/wp-content/uploads/2018/05/4-2.jpg)
പൊന്നാനി: നാട്ടുകാരെ അത്ഭുതപ്പെടുത്തി ശിവലിംഗം പ്രത്യക്ഷപ്പെട്ടു. പൊന്നാനി ഇടശ്ശേരി ഗ്രാമം മാഞ്ഞാങ്കാവ് ഭഗവതി ക്ഷേത്രത്തിന് സമീപത്തെ വീട്ടുവളപ്പിലാണ് ശിവലിംഗം പ്രത്യക്ഷപ്പെട്ടത്. കാളത്ത് വളപ്പില് രമണി രാവിലെ മുറ്റമടിക്കുന്നതിനിടെയാണ് മണ്ണിനോട് ചേര്ന്ന നിലയില് ശിവലിംഗത്തിന്റെ അഗ്രഭാഗം കണ്ടത്. തുടര്ന്ന് ഗൃഹനാഥന് നന്ദകുമാറിനെ വിവരമറിയിക്കുകയും മണ്ണ് നീക്കം ചെയ്തപ്പോഴാണ് ശിവലിംഗമാണെന്ന് സ്ഥിരീകരിച്ചത്. നേരത്തെ രക്ഷസിനെ കുടിയിരുത്തിയഭാഗത്താണ് ശിവലിംഗം കണ്ടതെന്ന് വീട്ടുകാര് പറഞ്ഞു. മാസങ്ങള്ക്ക് മുമ്പ് തൊട്ടടുത്തുള്ള മാഞ്ഞാങ്കാവ് ക്ഷേത്രത്തില് രക്ഷസിനെ മാറ്റി സ്ഥാപിച്ചിരുന്നു. ആ സമയത്ത് വീട്ടുവളപ്പിലെ തറ പൊളിച്ചിരുന്നെങ്കിലും യാതൊന്നും കണ്ടിരുന്നില്ല. പിന്നീട് ഈ സ്ഥലത്ത് വാഴ നട്ടിരുന്നു. പ്രശ്നം വെച്ച് നോക്കിയാല് മാത്രമെ ശിവലിംഗം പ്രത്യക്ഷപ്പെട്ടതിന്റെ കാരണം വ്യക്തമാവുകയുള്ളൂവെന്ന് നാട്ടുകാര് പറഞ്ഞു. ശിവലിംഗം പ്രത്യക്ഷപ്പെട്ടതറിഞ്ഞ് നിരവധി ആളുകളാണ് ഇവിടേക്കെത്തിക്കൊണ്ടിരിക്കുന്നത്.
RECENT NEWS
![](https://malappuramlife.com/wp-content/uploads/2024/07/Manjalamkuzhi-Ali.jpg)
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]