മഞ്ചേരിയിലെ വാര്‍ഡ് കൗണ്‍സിലര്‍ മരിച്ചു
മഞ്ചേരി: ജില്ലാ കോണ്‍ഗ്രസ് കമ്മറ്റി മെമ്പറും മഞ്ചേരി നഗരസഭയിലെ പാലക്കുളം വാര്‍ഡ് കൗണ്‍സിലറുമായ എന്‍ പി രാമചന്ദ്രന്‍ എന്ന മാനുട്ടി (63) നിര്യാതനായി. 1983ലെ മുനിസിപ്പല്‍ തെരഞ്ഞെടുപ്പില്‍ സിപിഎം നേതാവ് യു ഉത്തമനെ പരാജയപ്പെടുത്തി കരുവമ്പ്രം വാര്‍ഡില്‍ നിന്നും പ്രഥമ നഗരസഭാ കൗണ്‍സില്‍ അംഗമായി. കെ എസ് യുവിലൂടെ രാഷ്ട്രീയ പ്രവര്‍ത്തനമാരംഭിച്ച മാനുട്ടി മണ്ഡലം യൂത്ത് കോണ്‍ഗ്രസ് പ്രസിഡണ്ട്, മണ്ഡലം കോണ്‍ഗ്രസ് സെക്രട്ടറി എന്നീ നിലകളിലും സേവനമനുഷ്ടിച്ചു.
അമ്മുവാണ് ഭാര്യ. മക്കള്‍: ദിപു, ദീപ, ദിവ്യ. മരുമക്കള്‍: നികേഷ്, അഞ്ജു, പരേതനായ വിനോദ് കുമാര്‍.
ജില്ലാ പഞ്ചായത്ത് പ്രസിഡണ്ട് എ പി ഉണ്ണികൃഷ്ണന്‍, കെ പി സി സി സെക്രട്ടറി വി എ കരീം, ഡിസിസി പ്രസിഡണ്ട് അഡ്വ. വി വി പ്രകാശ്, മുന്‍ പ്രസിഡണ്ട് ഇ മുഹമ്മദ് കുഞ്ഞി, ട്രഷറര്‍ വല്ലാഞ്ചിറ ഷൗക്കത്തലി എന്നിവര്‍ വസതിയിലെത്തി ആദരാഞ്ജലികളര്‍പ്പിച്ചു.
RECENT NEWS
കിഴിശ്ശേരിയിൽ കളിക്കുന്നതിനിടെ ജനല്‍ കട്ടില ദേഹത്ത് വീണ് ഒന്നര വയസുകാരന്‍ മരിച്ചു
അരീക്കോട്: കളിക്കുന്നതിനിടെ ജനല്‍ കട്ടില ദേഹത്ത് വീണ് ഒന്നര വയസുകാരന്‍ മരിച്ചു. കിഴിശ്ശേരിക്കടുത്ത് കുഴിമണ്ണ പുളിയക്കോട് പുനിയാനിക്കോട്ടില് മുഹ്സിന്റേയും കാരാട്ടുപറമ്പ് വലിയാറക്കുണ്ട് ജുനൈന തസ്നിയുടേയും മകന് നൂര് ഐമന് (ഒന്നര) ആണ് മരിച്ചത്. [...]
