ഇ.ജയനെതിരായ വധശ്രമം ആസൂത്രിതം: സി.പി.എം
![ഇ.ജയനെതിരായ വധശ്രമം ആസൂത്രിതം: സി.പി.എം](https://cdn.statically.io/img/malappuramlife.com/wp-content/uploads/2018/02/3-5.jpg)
മലപ്പുറം: താനൂര് ഒഴൂരില് സി.പി.എം ജില്ലാ കമ്മിറ്റിയംഗം ഇ.ജയനെയും ഡി.വൈ.എഫ്.ഐ പ്രവര്ത്തകരെയും ആര്.എസ്.എസ് പ്രവര്ത്തകര് ആക്രമിച്ച സംഭവം ആസൂത്രതിമാണെന്നും സംഭവത്തില് ശക്തമായി പ്രതിഷേധിക്കണമെന്നും സി.പി.എം ജില്ലാ കമ്മിറ്റി. അയ്യായില് പൊതുയോഗ സ്ഥലത്തക്ക് പോയ ജയനെ വടിവാളും ദണ്ഡും ഉള്പ്പെടെ മാരകായുധങ്ങളുമായി രാത്രി കാത്തുനിന്ന് കരുതിക്കൂട്ടി വധിക്കാന് ശ്രമിക്കുകയായിരുന്നു. സമചിത്തത കൈവിടാത്തതുകൊണ്ടും പാര്ടി പ്രവര്ത്തകര് ഓടി എത്തിയതിനാലുമാണ് ജീവന് രക്ഷിക്കാനായത്. തലക്ക് അടിയേറ്റ ജയനും മര്ദനമേറ്റ അഞ്ചു ഡിവൈഎഫ്ഐ പ്രവര്ത്തകരും തിരൂര് ജില്ലാ ആശുപത്രിയില് ചികിത്സയിലാണ്. താനൂരില് സിപിഐ എമ്മിന്റെ വളര്ച്ചയ്ക്ക് നേതൃത്വം നല്കിയ മുന് ഏരിയ സെക്രട്ടറികൂടിയായ ജയനെ ഇല്ലാതാക്കാന് രാഷ്ര്ടീയ എതിരാളികള് തക്കം പാര്ത്തിരിക്കയാണ്. പ്രധാന നേതക്കളെ തന്നെ വീഴ്ത്തി പാര്ടിയെ ദുര്ബലമാക്കാമെന്ന വ്യാമോഹമാണ് ഇരുട്ടിന്റെ മറപറ്റി ആര്.എസ്.എസ് പ്രവര്ത്തകര് നടത്തിയ ആക്രമണങ്ങള്ക്ക് പിന്നിലെന്നും സി.പി.എം കുറ്റപ്പെടുത്തി.
RECENT NEWS
![](https://malappuramlife.com/wp-content/uploads/2024/07/Manjalamkuzhi-Ali.jpg)
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]