തിരൂരങ്ങാടി പി.എസ്.എം.ഒ. കോളേജില്‍ വിദ്യാര്‍ത്ഥി സംഘര്‍ഷം, 5പേര്‍ക്ക് പരുക്ക്
തിരൂരങ്ങാടി: തിരൂരങ്ങാടി പി.എസ്.എം.ഒ.കോളേജില്‍ വിദ്യാര്‍ത്ഥികള്‍ തമ്മില്‍ ഏറ്റുമുട്ടി അഞ്ച് പേര്‍ക്ക് പരുക്ക്. തിരൂരങ്ങാടി പി.എസ്.എം.ഒ കോളേജിലാണ് എസ്.എഫ്.ഐ, എം.എസ്.എഫ് വിദ്യാര്‍ത്ഥികള്‍ തമ്മില്‍ ഏറ്റുമുട്ടിയത്. കഴിഞ്ഞ ദിവസം പെരിന്തല്‍മണ്ണയില്‍ നടന്ന സംഘര്‍ഷത്തില്‍ പ്രതിഷേധിച്ച് ചൊവ്വാഴ്ച രാവിലെ എം.എസ്.എഫ് പ്രകടനം നടത്തിയിരുന്നു. ഇതേ തുടര്‍ന്നാണ് തമ്മില്‍ ഏറ്റുമുട്ടിയത്. തുടര്‍ന്ന് എസ്.എഫ്.ഐ പ്രവര്‍ത്തകര്‍ മര്‍ദ്ദിച്ചതായി എം.എസ്.എഫും, എം.എസ്.എഫ് പ്രവര്‍ത്തകര്‍ മര്‍ദ്ദിച്ചതായി എസ്.എഫ്.ഐ ഉം പറയുന്നു. വിദ്യാര്‍ത്ഥികള്‍ തമ്മില്‍ കാലത്തുണ്ടായ പ്രശ്‌നം പരിഹരിച്ചെങ്കിലും ഉച്ചയ്ക്ക് രണ്ടുമണിക്ക് വീണ്ടും സംഘര്‍ഷം നടക്കുകയായിരുന്നു. തുടര്‍ന്ന് മര്‍ദ്ദനത്തില്‍ പരിക്കേറ്റ എസ്.എഫ്.ഐ. പ്രവര്‍ത്തകരെ താലൂക്ക് ആശുപത്രിയില്‍ എത്തിച്ചു. ഈ സമയം ആശുപത്രി പരിസരത്തു വെച്ച് എം.എസ്.എഫുകാര്‍ മര്‍ദ്ദിച്ചതായും എസ്.എഫ്.ഐ പ്രവര്‍ത്തകര്‍ ആരോപിച്ചു. എം.എസ്.എഫ് പ്രവര്‍ത്തകരായ ആദില്‍ഹിജാസ്(19), ആസിഫലി (19) മുഹമ്മദ് മുസ്തഫ(19) എസ്.എഫ്.ഐ പ്രവര്‍ത്തകരായ പുളിയംപറമ്പ് അമ്പലഞ്ചേരി മുര്‍ഷിദ്(19), കൊടുവള്ളി ഒറ്റപ്പിലാക്കല്‍ ബാസിത്ത്(19) എന്നിവര്‍ക്കാണ് പരുക്കേറ്റത്. തുടര്‍ന്ന് പോലീസെത്തി വിദ്യാര്‍ത്ഥികളുടെ മൊഴിയെടുത്തു.
RECENT NEWS
ഷർട്ടിന്റെ കൈമടക്കിൽ ഒളിപ്പിച്ച് കടത്താൻ ശ്രമിച്ച സ്വർണം പോലീസ് പിടികൂടി
കരിപ്പൂർ: വിമാനത്താവളം വഴി കസ്റ്റംസിനെ വെട്ടിച്ച് ഷർട്ടിന്റെ കൈമടക്കിൽ ഒളിപ്പിച്ച് കടത്തിയ സ്വർണം പോലീസ് പിടികൂടി. കോഴിക്കോട് താമരശ്ശേരി പരപ്പൻപൊയിൽ സ്വദേശി ചേനാടൻ സലീം ആണ് പിടിയിലായത്. ദമാമിൽ നിന്നും ഇൻഡിഗോ വിമാനത്തിലാണ് ഇയാൾ കരിപ്പൂരിൽ [...]
