സി.പി.എമ്മിനെ മലപ്പുറത്ത് ഒന്നാമതാക്കും: ഇ.എന്‍ മോഹന്‍ദാസ്
പെരിന്തല്‍മണ്ണ: സിപിഐ എമ്മിനെ ജില്ലയിലെ ഒന്നാമത്തെ പാര്‍ടിയാക്കി മാറ്റാനുള്ള പ്രവര്‍ത്തനങ്ങള്‍ ആവിഷ്‌കരിച്ച് നടപ്പാക്കുമെന്ന് ജില്ലാ സെക്രട്ടറിയായി തെരഞ്ഞെടുത്ത ഇ എന്‍ മോഹന്‍ദാസ് വാര്‍ത്താസമ്മേളനത്തില്‍ പറഞ്ഞു. പാര്‍ടിയുടെ തനതായ സ്വാധീനം വര്‍ധിപ്പിക്കലാണ് ലക്ഷ്യം. ജില്ലാ സമ്മേളനം അംഗീകരിച്ച സുപ്രധാന ഉത്തരവാദിത്തവും കടമയുമിതാണ്. ഇതിനാവശ്യമായ ആരോഗ്യകരവും ക്രിയാത്മകവുമായ നിര്‍ദേശങ്ങള്‍ സമ്മേളനം അംഗീകരിച്ചിട്ടുണ്ട്.
ഐക്യത്തിന്റെ വിളംബരമാണ് പെരിന്തല്‍മണ്ണ സമ്മേളനം മുന്നോട്ടുവയ്ക്കുന്നത്. പാര്‍ടിക്ക് എല്ലാ ജനവിഭാഗത്തിനിടയിലും സ്വീകാര്യത വര്‍ധിപ്പിക്കാന്‍ കൂട്ടായിപ്രവര്‍ത്തിക്കും. ഇതിന് മുപ്പതിന കര്‍മപരിപാടി സമ്മേളനം അംഗീകരിച്ചിട്ടുണ്ടെന്നും ഇ എന്‍ മോഹന്‍ദാസ് പറഞ്ഞു.
സംസ്ഥാന കമ്മിറ്റി അംഗം പി പി വാസുദേവന്‍, ജില്ലാ കമ്മിറ്റി അംഗം വി ശശികുമാര്‍ എന്നിവരും വാര്‍ത്താസമ്മേളനത്തില്‍ പങ്കെടുത്തു.
RECENT NEWS
പ്രണയം നടിച്ച് വിവാഹ വാഗ്ദാനം നല്കി വെസ്റ്റ് ബംഗാളില് നിന്നും തട്ടി കൊണ്ട് വന്ന പെണ്കുട്ടിയെ രക്ഷപ്പെടുത്തി
മലപ്പുറം: പ്രണയം നടിച്ച് വിവാഹ വാഗ്ദാനം നല്കി 17 വയസ്സ് പ്രായം ഉള്ള പെണ്കുട്ടിയെ വെസ്റ്റ് ബംഗാള് നിന്നും മലപ്പുറം പെരിന്തല്മണ്ണയില് എത്തി ഒളിച്ചു താമസിച്ച പെണ്കുട്ടിയെ പെരിന്തല്‍മണ്ണ പോലീസിന്റെ സഹായത്തോടെ ചൈല്ഡ്ലൈന് രക്ഷപെടുത്തി [...]
