ഐസോള്‍ എഫ് സിക്ക് മുന്നിലും തലകുനിച്ച് ഗോകുലം കേരള എഫ് സി
മലപ്പുറം: തങ്ങളുടെ ആദ്യ സീസണ്‍ വിജയത്തോടെ അവസാനിപ്പിക്കാമെന്ന ഗോകുലം കേരള എഫ് സിയുടെ മോഹങ്ങള്‍ക്ക് തിരിച്ചടി. പുതവര്‍ഷ തലേന്ന് കോഴിക്കോട് നടന്ന ഐ ലീഗ് മല്‍സരത്തില്‍ ഐസോള്‍ എഫ് സി എതിരില്ലാത്ത രണ്ടു ഗോളുകള്‍ക്കാണ് മലപ്പുറം ടീമിനെ തോല്‍പിച്ചത്. ഐ ലീഗിലെ തങ്ങളുടെ ആദ്യ വര്‍ഷത്തില്‍ ഒരു ജയം മാത്രമാണ് ഗോകുലം എഫ് സിക്ക് നേടാനായത്.
കോഴിക്കോട് കോര്‍പ്പറേഷന്‍ സ്റ്റേഡിയത്തില്‍ ഉച്ചയ്ക്ക് രണ്ട് മണിക്കായിരുന്നു നിലവിലെ ചാംപ്യന്‍മാരെ ഗോകുലം എഫ് സി നേരിട്ടത്. കളിയുടെ 45-ാം മിനുറ്റില്‍ ഡാനിയല്‍ അഡോ വഴങ്ങിയ സെല്‍ഫ് ഗോളിലൂടെ ഐസോള്‍ എഫ് സി മുന്നിലെത്തി. രണ്ടാം പകുതിയുടെ ഏഴാം മിനുറ്റില്‍ റുമേനിയന്‍ താരം ആന്‍ദ്രെ ലോനെസ്‌കു നേടിയ ഗോളില്‍ ഐസോള്‍ രണ്ട് ഗോളിന് മുന്നിലെത്തി.
സ്റ്റാര്‍ സ്‌ട്രൈക്കര്‍ കാമോ ബായി ഇല്ലാതെ ഇറങ്ങിയ ഗോകുലം പ്രതിരോധത്തിലാണ് ഊന്നല്‍ നല്‍കിയത്. ആദ്യ പകുതിയുടെ അവസാന നിമിഷം വരെ പ്രതിരോധം തകരാതെ കാത്ത ഗോകുലത്തിന് അവസാന നിമിഷം കാലിടറി.
നാലു പോയന്റുമായി പത്ത് ടീമുകള്‍ മാറ്റുരക്കുന്ന ഐ ലീഗില്‍ ഒമ്പതാം സ്ഥാനത്താണ് ഇപ്പോള്‍ കേരള എഫ് സി. ജനുവരി ആറിന് മിനര്‍വ പഞ്ചാബ് എഫ് സിയുമായാണ് ഗോകുലം എഫ് സിയുടെ അടുത്ത മല്‍സരം.
RECENT NEWS
പരപ്പനങ്ങാടിയിൽ ബസും ഓട്ടോയും കൂട്ടിയിടിച്ച് അപകടം, ഓട്ടോ ഡ്രൈവർ മരിച്ചു
പരപ്പനങ്ങാടി: പരപ്പനങ്ങാടിയില് ബസ്സും ഓട്ടോയും കൂട്ടി ഇടിച്ച് ഉണ്ടായ അപകടത്തില്‍ ഗുരുതര പരിക്കുകളോടെ ആശുപത്രിയില് പ്രവേശിപ്പിച്ച ഓട്ടോ ഡ്രൈവര് മരിച്ചു. ചെട്ടിപ്പടി ആലുങ്ങല് ബീച്ച് അയ്യപ്പന്കാവ് പടിഞ്ഞാറ് താമസിക്കുന്ന സൈതലവി (ചെറിയ ബാവ [...]
