അന്‍വര്‍ എംഎല്‍എയെ ചൊല്ലി ജില്ലാ കോണ്‍ഗ്രസ് കമ്മിറ്റിയില്‍ ബഹളം
മലപ്പുറം: പിവി അന്‍വര്‍ എംഎല്‍എ ക്കെതിരെ ഉയര്‍ന്ന ആരോപണങ്ങളില്‍ ജില്ലാ കോണ്‍ഗ്രസ് കമ്മിറ്റിയുടെ നിലപാടിനെ ചൊല്ലി യോഗത്തില്‍ ബഹളം. പിവി അന്‍വറിനോട് ജില്ലാ കോണ്‍ഗ്രസ് കമ്മിറ്റിക്ക് മൃതുസമീപനമുണ്ടെന്ന് ആരോപിച്ചാണ് എ,ഐ ഗ്രൂപ്പ് ചേരി തിരിഞ്ഞ് ബഹളമുണ്ടാക്കിയത്.
കെപിസിസി അംഗങ്ങള്‍, ബ്ലോക്ക് പ്രസിഡന്റുമാര്‍, ഡിസിസി ഭാരവാഹികള്‍ എന്നിവരുടെ യോഗത്തിലാണ് സംഭവം. ഓഖി ചുഴലിക്കാറ്റിന്റെ പശ്ചാതലത്തില്‍ തീരദേശത്ത് നടത്തുന്ന പദയാത്ര സംബന്ധിച്ചാണ് യോഗം വിളിച്ചിരുന്നത്.
കോഴിക്കോട് ജില്ലാ കമ്മറ്റി എംഎല്‍എ ക്കെതിരെ ശക്തമായ പ്രതിഷേധം നടത്തുമ്പോള്‍ മലപ്പുറം ഇടപെടുന്നില്ലെന്ന് ഐ ഗ്രൂപ്പ് ആരോപിച്ചു. യോഗത്തില്‍ തര്‍ക്കം മുറുകിയതോടെ ഡിസിസി പ്രസിഡന്റ് ഇടപെട്ട് ബഹളം അവസാനിപ്പിച്ചു. വിഷയത്തില്‍ ജനുവരിയില്‍ കലക്ടറേറ്റ് മാര്‍ച്ച് നടത്താനും പ്രതിപക്ഷ നേതാവിനെ കാണാനും യോഗത്തില്‍ തീരുമാനിച്ചു.
RECENT NEWS
മഞ്ചേരിയില്‍ ഭാര്യയെ ശല്യം ചെയ്തത് ചോദ്യം ചെയ്ത ഭര്‍ത്താവിനെ വെട്ടി; പ്രതി പിടിയില്‍
മഞ്ചേരി: ഭാര്യയെ നിരന്തരം ശല്യം ചെയ്തത് ചോദ്യം ചെയ്തതിലുള്ള വിരോധം മൂലം ഭര്‍ത്താവിനെ കത്തി കൊണ്ട് വെട്ടി കൊലപ്പെടുത്താന് ശ്രമിച്ച സംഭവത്തില് പ്രതിയെ മഞ്ചേരി പൊലീസ് അറസ്റ്റ് ചെയ്തു. മഞ്ചേരി അരുകിഴായ കുറുക്കന്മൂച്ചിപ്പറമ്പില് അജിത്ത് (36) [...]
