പാണക്കാട് തങ്ങളുടെ ജീവചരിത്ര ഗ്രന്ഥം രാഹുല്ഗാന്ധിക്ക് സമര്പ്പിച്ചു
![പാണക്കാട് തങ്ങളുടെ ജീവചരിത്ര ഗ്രന്ഥം രാഹുല്ഗാന്ധിക്ക് സമര്പ്പിച്ചു](https://cdn.statically.io/img/malappuramlife.com/wp-content/uploads/2017/12/4-9.jpg)
മലപ്പുറം: മുസ്ലിംലീഗ് സമുന്നത നേതാവായിരുന്ന മുന്സംസ്ഥാന അധ്യക്ഷന് പാണക്കാട് മുഹമ്മദലി ശിഹാബ് തങ്ങളുടെ ജീവചരിത്ര ഗ്രന്ഥമായ ‘ഫീ ദിക്റാ അസ്സയ്യിദ് മുഹമ്മദലി ശിഹാബ്’ എന്ന പുസ്തകം നിയുക്ത കോണ്ഗ്രസ് അധ്യക്ഷന് രാഹുല്ഗാന്ധിക്ക് സമര്പ്പിച്ചു. മുസ്ലിംലീഗ് മലപ്പുറം ജില്ലാ പ്രസിഡന്റ് പാണക്കാട് സാദിഖലി ശിഹാബ് തങ്ങളാണ് പടയൊരുക്കത്തിന്റെ സമാപന ചടങ്ങില്വെച്ച് പുസ്തകം രാഹുല്ഗാന്ധിക്ക് സമര്പ്പിച്ച് പുസ്തകത്തിന്റെ സംസ്ഥാന തല പ്രകാശന കര്മം നിര്വഹിച്ചത്.
കേരളക്കരയില് ശാന്തിയുടെയും സമാധാനത്തിന്റെയും തണല്വിരിച്ചുനിന്ന മഹാനായ പാണക്കാട് മുഹമ്മദലി ശിഹാബ് തങ്ങളുടെ ജീവചരിത്രഗ്രന്ഥം അറബി ഭാഷയിലടക്കം പുറത്തിറങ്ങിയിട്ടുണ്ട്. മലപ്പുറം സ്വദേശിയും പാണക്കാട് കുടുംബത്തിന്റെ സന്തതസഹചാരിയുമായ അലാവുദ്ദീന് ഹുദവി പുത്തനഴി രചിച്ച ‘ഫീ ദിക്റാ അസ്സയ്യിദ് മുഹമ്മദ് അലി ശിഹാബ് ‘ ഷാര്ജ രാജ്യാന്തര പുസ്തകോത്സവത്തില്വെച്ചാണ് പ്രകാശനം ചെയ്തത്.
അറബ് നേതാക്കളുമായി അടുത്തബന്ധം പുലര്ത്തിയിരുന്ന നേതാവായിരുന്ന പാണക്കാട് മുഹമ്മദലി ശിഹാബ് തങ്ങള്. മധ്യപൂര്വദേശത്തെ വായനക്കാരെ ലക്ഷ്യമിട്ടാണ് പുസ്തകം ഇറക്കുന്നത്. ശിഹാബ് തങ്ങളുടെ പ്രധാന ഉദ്ധരണികളടങ്ങുന്ന മുജീബ് ജൈഹൂനിന്റെ ഇംഗ്ലിഷ് കൃതി ‘സ്ലോഗന്സ് ഓഫ് ദി സാജ്’, മാവേലിക്കര രാജാ രവിവര്മ കോളജിലെ മലയാളം വിഭാഗം മേധാവി വി.രഞ്ജിത്തിന്റെ മലയാളം കൃതി ‘സ്നേഹാക്ഷരക്കൂട്ടിലെ ശിഹാബ് തങ്ങള്’ എന്നിവയും പുറത്തിറങ്ങുന്നുണ്ട്. ദുബായ് കെഎംസിസി ആണ് മൂന്നു പുസ്തകങ്ങളും പ്രസിദ്ധീകരിച്ചത്.
RECENT NEWS
![](https://malappuramlife.com/wp-content/uploads/2024/07/Manjalamkuzhi-Ali.jpg)
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]