ഇന്ത്യന്സൈന്യത്തില് മലപ്പുറത്തുകാരുടെ പ്രാതിനിധ്യം വര്ധിപ്പിക്കുമെന്ന് ജില്ലാപഞ്ചായത്ത് പ്രസിഡന്റ്
![ഇന്ത്യന്സൈന്യത്തില് മലപ്പുറത്തുകാരുടെ പ്രാതിനിധ്യം വര്ധിപ്പിക്കുമെന്ന് ജില്ലാപഞ്ചായത്ത് പ്രസിഡന്റ്](https://cdn.statically.io/img/malappuramlife.com/wp-content/uploads/2017/12/4.jpg)
മലപ്പുറം: സൈന്യത്തിലും അര്ദ്ധ സൈന്യത്തിലുമെല്ലാം മലപ്പുറത്തിന്റെ പ്രാതിനിധ്യം വര്ദ്ധിപ്പിക്കുന്നതിന് വേണ്ടി ജില്ലാ പഞ്ചായത്ത് പ്രത്യേക ശ്രദ്ധ ചെലുത്തുമെന്ന് പ്രസിഡണ്ട് എ.പി ഉണ്ണികൃഷ്ണന് പറഞ്ഞു. സേനകളില്മലപ്പുറത്തിന്റെ പ്രാതിനിധ്യം കുറക്കുന്നത് പരീശീലനക്കുറവിനാലാണെന്നും അദ്ദേഹം പറഞ്ഞു.
പട്ടികജാതി വിഭാഗത്തിലും പൊതു വിഭാഗത്തിലും ഉള്പ്പെട്ട യുവതി-യുവാക്കള്ക്ക് ജില്ലാ പഞ്ചായത്ത് ഏര്പ്പെടുത്തുന്ന പ്രീ റിക്രൂട്ട്മെന്റ് – സെക്യൂരിറ്റി സ്റ്റാഫ് ട്രെയ്നിംഗിന് തെരെഞ്ഞെടുക്കപ്പെട്ടവരുടെ യോഗം ഉദ്ഘാടനം ചെയ്യുകയായിരുന്നു അദ്ദേഹം. ആവശ്യമായ പരിശീലനം ലഭ്യമാവാത്തതാണ് നമ്മുടെ കുട്ടികള്ക്ക് വിവിധ സേനകളില് പ്രവേശനം ലഭിക്കുന്നതിന് തടസ്സമാവുന്നത്.
ഈ കുറവ് പരിഹരിക്കുന്നതിന് വേണ്ടിയാണ് ജില്ലാ പഞ്ചായത്ത് ബി.പി.എല് കുടുംബങ്ങളിലെ യുവതി-യുവാക്കള്ക്ക് സൗജന്യ പരിശീലനത്തിന് അവസരമൊരുക്കിയിട്ടുള്ളത്. കോഴിക്കോട് കേന്ദ്രമായി പ്രവര്ത്തിക്കുന്ന പ്രീ റിക്രൂട്ട്മെന്റ് ട്രെയ്നിംഗ് സെന്ററില് വെച്ച് 2 മാസത്തെ പരിശീലനമാണ് ജില്ലാ പഞ്ചായത്ത് നല്കുന്നത്. വൈസ് പ്രസിഡണ്ട് സക്കീന പുല്പ്പാടന് അധ്യക്ഷത വഹിച്ചു. സ്റ്റാന്റിംഗ് കമ്മറ്റി ചെയര്മാന് ഉമ്മര് അറക്കല്, കെ.പി ഹാജറുമ്മ ടീച്ചര്, സെക്രട്ടറി പ്രീതി മേനോന്, ജില്ലാ എസ്.സി ഓഫീസര് ലത, പിആര്ടിസി എക്സി: ഡയറക്ടര് നവാസ് ജാന് തുടങ്ങിയവര് പ്രസംഗിച്ചു.
RECENT NEWS
![](https://malappuramlife.com/wp-content/uploads/2024/07/Manjalamkuzhi-Ali.jpg)
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]