പുതിയ മാതൃകയൊരുക്കി പൂര്‍വ വിദ്യാര്‍ഥി കൂട്ടായ്മ
മഞ്ചേരി: സേവനപാതയില്‍ പുതിയ മാതൃക തീര്‍ത്ത് മമ്പാട് എംഇഎസ് കോളേജിലെ പൂര്‍വ വിദ്യാര്‍ഥികള്‍. 2007 ല്‍ പുറത്തിറങ്ങിയ ഫിസിക്‌സ് വിദ്യാര്‍ഥികളാണ് സേവന വഴിയില്‍ പത്ത് വര്‍ഷത്തിന് ശേഷം വീണ്ടും ഒരുമിച്ചത്.
നിര്‍ധനരായ വൃക്കരോഗികള്‍ക്ക് ഡയാലിസിസിന് സഹായം നല്‍കിയും മെഡിക്കല്‍ കോളേജിലെ രോഗികളുടെ കൂട്ടിരിപ്പുകാര്‍ക്ക് രണ്ട് ദിവസത്തെ ഭക്ഷണം സംഭാവന ചെയ്തുമാണ് ഒത്തുചേരല്‍ ആഘോഷമാക്കിയത്. ഡയാലിസിസിനും ഭക്ഷണവിതരണത്തിനുമുള്ള തുക മഞ്ചേരി സിഎച്ച് സെന്ററിന് കൈമാറി.
സംഗമം എം ഉമ്മര്‍ എംഎല്‍എ ഉദ്ഘാടനം ചെയ്തു. ഫിസിക്‌സ് ഡിപാര്‍ട്‌മെന്റ് പൂര്‍വവിദ്യാര്‍ഥി അസോസിയേഷന്‍ പ്രസിഡന്‍ര് ആനത്താന്‍ അജ്മല്‍ അധ്യക്ഷത വിഹിച്ചു. സഹായധനം സിഎച്ച് സെന്റര്‍ രക്ഷാധികാരി പുത്തൂര്‍ റഹ്മാന്‍ ഏറ്റുവാങ്ങി. യൂസുഫ് വല്ലാഞ്ചിറ, സി നജ്മുദ്ദീന്‍, എ അനീഷ്, കെ മുഹ്‌സിന, പിഎം മുബീന, കെപി നജ്‌ല, പ്രഫ. അബ്ദുല്‍ ഹക്കീം, സി സതീഷ് എന്നിവര്‍ സംസാരിച്ചു
RECENT NEWS
ചേലാകർമം നിരോധിക്കണമെന്ന് ആവശ്യപ്പെട്ട് സമർപ്പിച്ച പൊതു താല്പര്യ ഹർജി കേരള ഹൈക്കോടതി തള്ളി
കൊച്ചി: ആൺകുട്ടികളുടെ ചേലാകർമം നിരോധിക്കണമെന്ന് ആവശ്യപ്പെട്ട് സമർപ്പിച്ച പൊതു താല്പര്യ ഹർജി കേരള ഹൈക്കോടതി തള്ളി. വെറും പത്രവാർത്തകൾ അടിസ്ഥാനമാക്കിയുള്ള ഹരജി നിയമപരമായി നിലനിൽക്കില്ലെന്ന് നിരീക്ഷിച്ചാണ് ഹൈക്കോടതി ഹർജി തള്ളിയത്. യുക്തിവാദി [...]
