October 23, 2017

പൊതുവഴിയില്‍ മൂത്രമൊഴിച്ച യുവാവിനെ തല്ലിക്കൊന്നു

ന്യൂഡല്‍ഹി: ഡല്‍ഹിയില്‍ പൊതുവഴിയില്‍ മൂത്രമൊഴിച്ചെന്നാരോപിച്ച് യുവാവിനെ തല്ലിക്കൊന്നു. ഹാര്‍ഷ് വിഹാര്‍ സ്വദേശി സന്ദീപ് എന്നയാളെയാണ് മൂന്നംഗ സംഘം വടികൊണ്ടും കല്ലുകൊണ്ടും ആക്രമിച്ച് കൊലപ്പെടുത്തിയത്. സന്ദീപിന്റെ മുഖത്ത് മാരകമായി പരിക്കേറ്റതിന്റെ പാടുകളുണ്ട്. ഇന്നലെയാണ് കൊലപാതകം നടന്നത്. നിസ്സാര തര്‍ക്കം പിന്നീട് കൊലപാതകത്തിലേക്ക് നയിക്കുകയായിരുന്നെന്നാണ് പോലീസ് പറഞ്ഞത്. സംഭവത്തില്‍ റാസ, സെബു, മുകീം എന്നിവരെ പോലീസ് അറസ്റ്റ് ചെയ്തു. ഇവര്‍ക്കെതിരേ കൊലപാതകക്കുറ്റം ചുമത്തിയിട്ടുണ്ട്. പ്രതികള്‍ തമ്മില്‍ നേരത്തേ വാക്കുതര്‍ക്കം ഉണ്ടായിരുന്നതായും വിവരമുണ്ട്.

Sharing is caring!