പഞ്ചായത്ത് പ്രസിഡന്റിനെതിരെ അപവാദ പ്രചരണം; ലീഗ് നിയമനടപടിയിലേക്ക്
![പഞ്ചായത്ത് പ്രസിഡന്റിനെതിരെ അപവാദ പ്രചരണം; ലീഗ് നിയമനടപടിയിലേക്ക്](https://cdn.statically.io/img/malappuramlife.com/wp-content/uploads/2017/10/mampad.jpg)
മമ്പാട്: സാമൂഹ്യ മാധ്യമങ്ങളിലൂടെ അധിക്ഷേപിച്ചവര്ക്കെതിരെ മമ്പാട് ഗ്രാമ പഞ്ചായത്ത് പ്രസിഡന്റ് നിയമനടപടിക്കൊരുങ്ങുന്നു. ഔദ്യോഗിക പരിപാടിക്കായി ആലപ്പുഴയില് പോയപ്പോഴുള്ള ഫോട്ടോ വെച്ചാണ് പ്രസിഡന്റിനെതിരെ മോശം രീതിയില് സാമൂഹ്യ മാധ്യമങ്ങളില് പ്രചാരണം നടത്തിയത്.
സി പി എം അനുഭാവ ഫേസ്ബുക്ക് പേജുകള് എന്ന് അവകാശപ്പെടുന്ന പേജുകളിലായിരുന്നു പ്രസിഡന്റിനെതിരെ അശ്ലീല പരാമര്ശങ്ങള് ആദ്യം ഉയര്ന്നു വന്നത്. പിന്നീട് മറ്റ് പല പേജുകളും അത് ഏറ്റെടുത്തു. ഹൗസ് ബോട്ടിലെ യാത്രയ്ക്കൊപ്പമുള്ള ചിത്രത്തിന് താഴെ വളരെ മോശമായ അടിക്കുറിപ്പിട്ടാണ് ഫോട്ടോ പ്രചരിപ്പിച്ചത്.
ചിത്രങ്ങള് മോശം രീതിയില് പ്രചരിച്ചത് മുസ്ലിം ലീഗ് അംഗമായ പഞ്ചായത്ത് പ്രസിഡന്റിനെ മാനസികമായി തകര്ത്തു. ഒരു സ്ത്രീയെന്ന നിലയില് തന്നെ മാനസികമായി തകര്ക്കുന്ന രീതിയിലാണ് സാമൂഹ്യ മാധ്യമങ്ങളില് പ്രചാരണം നടന്നെതന്ന് അവര് പറഞ്ഞു. ഇതിനെതിരെ മുസ്ലിം ലീഗിന്റെ നേതൃത്വത്തില് നിയമപരമായ നടപടികള് സ്വീകരിക്കാനൊരുങ്ങുകയാണ് ഇവര്. ഒപ്പം വനിതാ കമ്മിഷനടക്കം പരാതി നല്കാനും നീക്കം നടക്കുന്നുണ്ട്.
അതേ സമയം സി പി എമ്മല്ല പ്രചാരണത്തിന് പിന്നിലെന്ന് മമ്പാട് ലോക്കല് കമ്മിറ്റി അറിയിച്ചു. പാര്ട്ടിക്കോ, പ്രവര്ത്തകര്ക്കോ ഇതില് യാതൊരു പങ്കുമില്ലെന്നും സി പി എം അറിയിച്ചു. മുസ്ലിം ലീഗ് ആരംഭിച്ച നിയമനടപടി വിജയം കാണട്ടെ എന്ന് ലോക്കല് കമ്മിറ്റി ആശംസിക്കുകയും ചെയ്തു.
RECENT NEWS
![](https://malappuramlife.com/wp-content/uploads/2024/07/Manjalamkuzhi-Ali.jpg)
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]