ഫാസിസത്തിനെതിരെ തുറന്നെഴുതി മലപ്പുറം കോളജ് മാഗസിന്
മലപ്പുറം: രാജ്യത്തിന്റെ നിലനില്പ്പിനു തന്നെ ഭീഷണിയാകുന്ന ഫാസിസ്റ്റ് കടന്നാക്രമണത്തിനെതിരെ തുറന്നെഴുതി വിദ്യാര്ഥികളുടെ കോളജ് മാഗസിന്. മലപ്പുറം ഗവണ്മെന്റ് കോളജിലെ 201617 യൂണിയന് പുറത്തിറക്കിയ മാഗസിനാണ് ഫാസിസ്റ്റ് നീക്കങ്ങള്ക്കെതിരെ തുറന്നെഴുത്ത് നടത്തിയിരിക്കുന്നത്.
ഒരു വാക്കെങ്കിലും പറക നീ മൗനം മരണമാകുന്നു എന്ന പേരിട്ടിക്കുന്ന മാഗസിനില് വിവിധ ഭാഷകളിലുള്ള കഥ, കവിത, ലേഖനം, അനുസ്മരണക്കുറിപ്പ്, അനുഭവം എന്നിവയാണ് ഉള്പ്പെടുത്തിയിരിക്കുന്നത്. വര്ധിച്ചു വരുന്ന ഫാസിസ്റ്റ് നീക്കങ്ങളെ പ്രമേയമാക്കിയാണ് മിക്ക സൃഷ്ടികളും ഉള്ളകത്. കോളജ് സെമിനാര് ഹാളില് നടന്ന മാഗസിന്റെ വിതരണോദ്ഘാടനം പ്രശസ്ത കവി റഫീഖ് അഹമ്മദ് നിര്വഹിച്ചു.
കോളജ് പ്രിന്സിപ്പല് ഡോ: കൃഷ്ണകുമാര് ഏറ്റുവാങ്ങി. കെ.ടി ഫാത്തിമ ഷിഫാനത്ത് അധ്യക്ഷയായി. മാഗസിന് പരിചയം സ്റ്റുഡന്റ് എഡിറ്റര് കെ റിഷാദ് നിര്വഹിച്ചു. അധ്യാപകരമായ പികെ അബ്ദുല് ഹമീദ്, ഡോ: വി. സുലൈമാന്, ഹംസ തോടേങ്ങല്, മൊയ്തീന് തോട്ടശ്ശേരി, ലത്തീഫ്, കെ.പി ഷക്കീല, കെ മുഹമ്മദ്, സജ്ഞയ്, ഖമറുല് ജമാല്, ഇര്ഷാദലി, പിപി മുനീര് പ്രസംഗിച്ചു.
RECENT NEWS
സ്ത്രീത്വത്തെ അപമാനിച്ച സി പി എം തെന്നല പഞ്ചായത്ത് മെംബറെ പുറത്താക്കണം- എ പി അനിൽകുമാർ
മലപ്പുറം: തെന്നല പഞ്ചായത്തിലെ സിപിഎം ലോക്കൽ കമ്മിറ്റി മുൻ സെക്രട്ടറിയും പഞ്ചായത്തിലേക്ക് തെരഞ്ഞെടുക്കപ്പട്ടെ വ്യക്തിയുമായ സെയ്തലവി മജീദിന്റെ വിദ്വേഷ പ്രസംഗം സ്ത്രീ വിരുദ്ധവും അങ്ങേയറ്റം മനുഷ്യത്വവിരുദ്ധമാണെന്ന് കെപിസിസി വർക്കിംഗ് പ്രസിഡൻറ് എ പി [...]
