കരിപ്പൂരില്‍ 1.10 കോടിരൂപയുടെ സ്വര്‍ണം പിടികൂടി
കരിപ്പൂരില്‍ കംപ്യൂട്ടര്‍ യുപിഎസിന്റെയും ബാറ്ററി ചാര്‍ജറിന്റെയും രണ്ടു ട്രാന്‍സ്‌ഫോര്‍മര്‍കള്‍ക്കുള്ളിലായി കടത്താന്‍ ശ്രമിച്ച 1.10 കോടി രൂപയുടെ സ്വര്‍ണം പിടികൂടി. ടാന്‍സ്‌ഫോര്‍മറുകളുടെ അകത്തെ പാനലിനു പകരം സ്വര്‍ണത്തിന്റെ പാനലുകളായിരുന്നു ഉണ്ടായിരുന്നത്.
ഷാര്‍ജയില്‍ നിന്നു കരിപ്പൂരിലെത്തിയ യാത്രക്കാരനില്‍നിന്നാണു എയര്‍ കസ്റ്റംസ് ഇന്റലിജന്‍സ് സ്വര്‍ണം പിടികൂടിയത്. തലശേരി പൊന്നിയം വെസ്റ്റ് ഹെന്നയില്‍ കെ. മുഹമ്മദ് നഗാഷിനെ (24)യാണ് 3.370 കിലോഗ്രാം സ്വര്‍ണവുമായി എയര്‍ കസ്റ്റംസ് അറസ്റ്റ് ചെയ്തത്.
ഇന്ന് പുലര്‍ച്ചെ മൂന്നിനു ഷാര്‍ജയില്‍ നിന്നുളള എയര്‍ അറേബ്യ വിമാനത്തിലാണ് ഇയാള്‍ കരിപ്പൂരിലെത്തിയത്. കരിപ്പൂര്‍ വഴി യാത്രക്കാരന്‍ സ്വര്‍ണം കടത്താന്‍ ശ്രമിക്കുന്നതായി മുന്‍കൂട്ടി എയര്‍ കസ്റ്റംസ് ഇന്റലിജന്‍സിനു വിവരം ലഭിച്ചിരുന്നു. ഇതിനെ തുടര്‍ന്ന് വിമാനത്താവളത്തില്‍ പരിശോധന കര്‍ശനമാക്കിയിരുന്നു.
ഇതിനിടയിലാണ് നാഗേഷിന്റെ പെരുമാറ്റത്തില്‍ കസ്റ്റംസിനു സംശയം തോന്നിയത്. തുടര്‍ന്ന് ഇയാളുടെ ബാഗേജ് തുറന്നു പരിശോധിക്കുകയായിരുന്നു. പിടിയിലായ യാത്രക്കാരന്‍ സ്വര്‍ണക്കടത്തിന്റെ കരിയറാണ്. ഇയാളെ ചോദ്യം ചെയ്തുവരികയാണ്.
RECENT NEWS
ഓൺലൈൻ തട്ടിപ്പ് കേസിലെ പ്രതിയെ 40,000 സിമ്മുകളുമായി മലപ്പുറം പോലീസ് പിടികൂടി
മലപ്പുറം: ഒരു കോടി എട്ട് ലക്ഷം രൂപ തട്ടിയെടുത്ത ഓൺലൈൻ ട്രേഡിംഗ് തട്ടിപ്പിലെ മുഖ്യ കണ്ണികളിൽ ഒരാളെ പിടികൂടി മലപ്പുറം പോലീസ്. കർണാടകയിലെ മടിക്കേരിയിൽ നിന്നാണ് തട്ടിപ്പിന് ആവശ്യമായ സിം കാർഡുകൾ എടുത്ത് നൽകിയ അബ്ദുൾ റോഷനെ (46) മലപ്പുറം സൈബർ ക്രൈം [...]
