പ്രചരണത്തിലെ ആദ്യ ഞായറാഴ്ച വോട്ടര്‍മാരെ നേരിട്ടു കണ്ട് കെ എന്‍ എ ഖാദര്‍
വേങ്ങര: മണ്ഡലത്തിലെ മുതിര്‍ന്ന വ്യക്തികളേയും, രോഗികളേയും സന്ദര്‍ശിച്ച് യു ഡി എഫ് സ്ഥാനാര്‍ഥി അഡ്വ കെ എന്‍ എ ഖാദര്‍. വീടുകള്‍ കയറി ഇറങ്ങിയാണ് അദ്ദേഹം പ്രായമായവരേയും, ഗുരുസ്ഥാനീയരേയും സന്ദര്‍ശിച്ചത്.
ഞായറാഴ്ച ഉച്ചവരെയുള്ള സമയം സൗഹൃദ സന്ദര്‍ശനങ്ങളും, സ്വകാര്യ പരിപാടികളും, കല്യാണങ്ങളും കൊണ്ടുപോയി. എങ്കിലും ഈ സ്ഥലത്തെല്ലാം എത്താനും വോട്ടര്‍മാരെ കാണാനും, അവരോടൊപ്പം സമയം ചെലവിടാനും സാധിച്ചത് സന്തോഷമായെന്ന് കെ എന്‍ എ ഖാദര്‍ പറഞ്ഞു.
തിരഞ്ഞെടുപ്പ് പ്രചാരണം ആരംഭിച്ച ആദ്യ ഞായഴാഴ്ച പരമാവധി ആളുകള്‍ വീട്ടിലും നാട്ടിലുമുള്ളത് ഉപയോഗപ്പെടുത്താനാണ് കെ എന്‍ എ ഖാദര്‍ ശ്രമിച്ചത്. കല്യാണ വീടുകളില്‍ എത്തി പരിചയം പുതുക്കിയും, പരിചയം വളര്‍ത്തിയും കെ എന്‍ എ ഖാദര്‍ പ്രചാരണ രംഗത്ത് സാനിധ്യമറിയിച്ചു.
വൈകിട്ട് നടന്ന കുടുംബ യോഗങ്ങളിലും കെ എന്‍ എ ഖാദര്‍ പങ്കെടുത്തു. പരമാവധി വോട്ടര്‍മാരെ നേരിട്ടു കാണാനാണ് ശ്രമിക്കുന്നതെന്ന് അദ്ദേഹം മാധ്യമ പ്രവര്‍ത്തകരോട് പറഞ്ഞു.
RECENT NEWS
മലബാർ ലിറ്ററേച്ചർ ഫെസ്റ്റിവലിനെതിരെ ദാറുൽ ഹുദ, സുന്നത്ത് ജമാഅത്തിന് വിരുദ്ധം
തിരൂരങ്ങാടി: കോഴിക്കോട് നടക്കുന്ന മലബാർ ലിറ്ററേച്ചർ ഫെസ്റ്റിവലിനെതിരെ ദാറുല് ഹുദ ഇസ്ലാമിക യൂണിവേഴ്സിറ്റി. സർവകലാശാലയുടെ അറിവോ അനുമതിയോ ഇല്ലാതെ ബുക്ക്പ്ലസിന്റെ പേരില് ചില ഹുദവികളുടെ നേതൃത്വത്തിലാണ് ഫെസ്റ്റിവൽ നടത്തുന്നതെന്ന് ദാറുൽ ഹുദ വൈസ് [...]
