കൊടിഞ്ഞി ഫൈസലിന്റെ പിതാവും ഇസ്‌ലാം മതം സ്വീകരിച്ചു
തിരൂരങ്ങാടി: ഇസ്‌ലാം മതം സ്വീകരിച്ചതിന്റെ പേരില്‍ കൊല്ലപ്പെട്ട കൊടിഞ്ഞി പുല്ലാണി ഫൈസലിന്റെ പിതാവ് കൃഷ്ണന്‍ നായര്‍ ഇസ് ലാം മതം സ്വീകരിച്ചു. ഫൈസലിന്റെ മാതവും സഹോദരങ്ങളും നേരത്തെ ഇസ്‌ലാം മതം സ്വീകരിച്ചിരുന്നു. 2016 നവംബര്‍ 19നാണ് ഫൈസലിനെ ആര്‍എസ്എസ് പ്രവര്‍ത്തകര്‍ കൊലപ്പെടുത്തിയത്. ഇസ് ലാം മതം സ്വീകരിച്ചതിലുള്ള വിരോധമാണ് കൊലപാതകത്തിന് കാരണമെന്ന് പോലീസ് കണ്ടെത്തിയിരുന്നു.
സൗദി അറേബ്യയിലെ റിയാദില്‍ ജോലി ചെയ്യുന്നതിനിടെ 2015ലാണ് ഫൈസല്‍ ഇസ്‌ലാം മതം സ്വീകരിക്കുന്നത്. പിന്നീട് നാട്ടിലെത്തി ശേഷം ഭാര്യയും മക്കളും ഫൈസലിന്റെ പാത സ്വീകരിച്ചിരുന്നു. മതം മാറിയ ഫൈസലിനും കുടുംബത്തിനും സംഘ്പരിവാര്‍ പ്രവര്‍ത്തകരില്‍ നിന്നും ഭീഷണിയുണ്ടായിരുന്നു. ഇതിനിടെ അദ്ദേഹം തിരിച്ച് ഗള്‍ഫില്‍ പോകാനിരിക്കെയാണ് കൊല്ലപ്പെട്ടത്. ആര്‍എസ്എസ് സഹകാര്യവാഹക് മഠത്തില്‍ നാരായണന്‍ ഉള്‍പെടെയുള്ള 12 പേര്‍ കേസില്‍ പ്രതചേര്‍ക്കപ്പെട്ട് അറസ്റ്റിലായിരുന്നു. പ്രതികള്‍ ജാമ്യത്തിലാണുള്ളത്. പ്രതികളിലൊരാളായ ബിബിന്‍ കഴിഞ്ഞ 24ന് കൊല്ലപ്പെട്ടിരുന്നു. ബിബിന്‍ കൊല്ലപ്പെട്ട കേസില്‍ പോപുലര്‍ ഫ്രണ്ട് പ്രവര്‍ത്തരെ പോലീസ് അറസ്റ്റ് ചെയ്യുകയും ചെയ്തിട്ടുണ്ട്.
RECENT NEWS
പ്രമുഖ ട്രേഡിങ് ആപ്പിന്റെ വ്യാജ പതിപ്പ് ഉപയോഗിച്ച് തട്ടിപ്പ്, മലപ്പുറത്ത് രണ്ടുപേർ പിടിയിൽ
മലപ്പുറം: പ്രമുഖ ട്രേഡിങ് ആപ്പിന്റെ വ്യാജ ആപ്പ് ഇൻസ്റ്റാൾ ചെയ്യിപ്പിച്ച് അതിലൂടെ പണം നിക്ഷേപിച്ച് ലാഭവിഹിതം വിർച്വൽ ആയി കാണിച്ച് ആളുകളെ വിശ്വസിപ്പിച്ച് കോടികൾ തട്ടിയ കേസിൽ പ്രതികളെ മലപ്പുറം സൈബർ ക്രൈം പോലീസ് അറസ്റ്റ് ചെയ്തു. പരാതിക്കാരനിൽ [...]
