ബിബിന്‍ വധക്കേസില്‍ ഒരാള്‍ കൂടി അറസ്റ്റില്‍
തിരൂര്‍: ആര്‍ എസ് എസ് ശാരീരിക് ശിക്ഷണ്‍ പ്രമുഖ് ബിബിനെ കൊലപ്പെടുത്തിയ കേസില്‍ ഒരാളെ കൂടി പോലീസ് അറസ്റ്റു ചെയ്തു. ഐങ്കലം കാടഞ്ചേരിയിലെ മറവഞ്ചേരി സ്വദേശി തോട്ടു പാടത്ത് മുഹമ്മത് അഷറഫ് (49 ) ആണ് അറസ്റ്റിലായത്. കൊലയാളി സംഘത്തിലെ പ്രതിയെ ഒളിവില്‍ താമസിക്കുന്നതിന് സഹായിച്ചതിനാണ് പോലീസ് ഇയാളെ അറസ്റ്റു ചെയ്തത്.
തിരൂര്‍ സി ഐയുടെ ഓഫിസിലേക്ക് വിളിച്ചു വരുത്തിയാണ് അറസ്റ്റ് ചെയ്തത്. കേസില്‍ ഒരു സ്ത്രീയുള്‍പ്പെടെയുള്ളവര്‍ നേരത്തെ അറസ്റ്റിലായിരുന്നു. മതം മാറിയതിന്റെ പേരില്‍ കൊടിഞ്ഞി സ്വദേശി ഫൈസലിനെ കൊലപ്പെടുത്തിയ കേസിലെ പ്രതിയായിരുന്നു ബിബിന്‍. കഴിഞ്ഞ വര്‍ഷം നവംബറിലായിരുന്നു ഫൈസലിന്റെ കൊലപാതകം. ഇതിന്റെ പ്രതികാരമാണ് ബിബിന്റെ കൊലപാതകമെന്നാണ് പോലീസ് നിഗമനം.
RECENT NEWS
മലപ്പുറം നഗരസഭയുടെ നേതൃത്വത്തിൽ യു എസ് എസ് പരിക്ഷാ പരിശീലനത്തിന് തുടക്കം കുറിച്ചു
മലപ്പുറം: നഗരസഭയുടെ നേതൃത്വത്തിൽ യു.എസ്.എസ്. പരീക്ഷാ പരിശീലന പദ്ധതിക്ക് തുടക്കം കുറിച്ചു.നഗരസഭ പ്രദേശത്തെ സർക്കാർ, എയിഡഡ് മേഖലകളിലെ ഒമ്പത് യു.പി.സ്കൂളുകളിൽ പഠിക്കുന്ന തയാറായ മുഴുവൻ വിദ്യാർത്ഥികൾക്കും പരിശീലന ഫീസ് നഗരസഭ വഹിച്ച് സൗജന്യമായി [...]
