കെ പി എ മജീദ് പിന്‍വാങ്ങി; സ്ഥാനാര്‍ഥി നിര്‍ണയത്തില്‍ യു എ ലത്തീഫിന് മുന്‍തൂക്കം
മലപ്പുറം: വേങ്ങര ഉപതിരഞ്ഞെടുപ്പിലെ യു ഡി എഫ് സ്ഥാനാര്‍ഥിയെ നാളെ പ്രഖ്യാപിക്കും. രാവിലെ പത്തു മണിക്ക് പാര്‍ട്ടി അധ്യക്ഷന്‍ പാണക്കാട് ഹൈദരലി ശിഹാബ് തങ്ങളുടെ വസതിയിലാണ് സ്ഥാനാര്‍ഥി പ്രഖ്യാപനം. പാര്‍ട്ടി സംസ്ഥാന ജനറല്‍ സെക്രട്ടറി കെ പി എ മജീദ് പിന്‍മാറിയ സാഹചര്യത്തില്‍ പാര്‍ട്ടി ജില്ലാ സെക്രട്ടറി കെ എന്‍ എ ഖാദറിനും, ലീഗ് നേതാവ് യു എ ലത്തീഫിനുമാണ് മുന്‍തൂക്കം.
ഇന്ന് അപ്രതീക്ഷിതമായി മാധ്യമ പ്രവര്‍ത്തകരോടാണ് കെ പി എ മജീദ് താന്‍ സംഘടനാ സംവിധാനത്തില്‍ ശ്രദ്ധയൂന്നുകയാണെന്ന് അറിയിച്ചത്. സംഘടന ചുമതല ഭാരിച്ച ചുമതലയാണെന്നും, പാര്‍ട്ടിയുടെ മെംബര്‍ഷിപ്പ് പ്രവര്‍ത്തനങ്ങള്‍ തുടരുകയാണെന്നും അദ്ദേഹം പറഞ്ഞു. ഇക്കാര്യങ്ങള്‍ പാര്‍ട്ടി അധ്യക്ഷനെ അറിയിച്ചെന്നും, സംഘടനാ നേതൃത്വത്തില്‍ നില്‍ക്കുന്നതാണ് താല്‍പര്യമെന്നും അറിയിച്ചെന്നും കെ പി എ മജീദ് പറഞ്ഞു. താനിരിക്കെ മറ്റു പേരുകള്‍ ചര്‍ച്ച ചെയ്യുന്നതിലുള്ള അനൗചിത്യം ഒഴിവാക്കാനാണ് തന്റെ നിലപാട് വ്യക്തമാക്കിയതെന്ന് അദ്ദേഹം പറഞ്ഞു.
RECENT NEWS
ദേശീയപാതയിൽ, പുളിക്കൽ ആലുങ്ങലിൽ ലോറി ബൈക്കിലിടിച്ച് ബൈക്ക് യാത്ര ക്കാരൻ മരിച്ചു.
കൊണ്ടോട്ടി: ദേശീയപാതയിൽ, പുളിക്കൽ ആലുങ്ങലിൽ ലോറി ബൈക്കിലിടിച്ച് ബൈക്ക് യാത്ര ക്കാരൻ മരിച്ചു. കൊട്ടപ്പുറം പരേതനായ അഹമ്മദിൻ്റെ മകൻ ചേനേ പുറത്ത് ഷമീർ (36) ആണ് മരിച്ചത്.ഇന്നലെ വൈകിട്ടാണ് സംഭവം. വീട്ടിൽ നിന്ന് സാധനങ്ങൾ വാങ്ങാൻ ഇറങ്ങിയതായിരുന്നു. [...]
