ഗോവ ടൂര്‍ണമെന്റില്‍ ഗോകുലം എഫ് സിക്ക് തോല്‍വി
മലപ്പുറം: പ്രഥമ AWES കപ്പ് ഫൈനലില്‍ മലപ്പുറത്തിന്റെ സ്വന്തം ടീമായ ഗോകുലം എഫ് സിക്ക് തോല്‍വി. ഡെംപോ എഫ് സിയോട് പെനാല്‍റ്റി ഷൂട്ടൗട്ടിലാണ് ഗോകുലം പരാജയപ്പെട്ടത്. ആദ്യ പകുതിയില്‍ 1-0ത്തിന് മുന്നിട്ട് നിന്ന ശേഷമായിരുന്നു ഗോകുലത്തിന്റെ തോല്‍വി.
ആദ്യ പകുതിയുടെ 31-ാം മിനുറ്റില്‍ വിദേശ താരം അഡലജെയാണ് ഗോകുലത്തിനായി ഗോള്‍ സ്‌കോര്‍ ചെയ്തത്. കളിയില്‍ മുന്‍തൂക്കം നേടിയ ഗോകുലം അത് 70-ാം മിനുറ്റുവരെ നിലനിറുത്തി. പക്ഷേ സെല്‍ഫ് ഗോളിലൂടെ ഡെംപോ മല്‍സരത്തിലേക്ക് തിരിച്ചെത്തി. പെനാല്‍റ്റി ഷൂട്ടൗട്ടില്‍ ഗോകുലത്തിന്റെ ഷിനുവിന്റെയും, അര്‍ജുന്റെയും ഷോട്ടുകള്‍ ലക്ഷ്യത്തിലെത്തിയിട്ടില്ല. മല്‍സരത്തില്‍ 4-1നായിരുന്നു ഡെംപോയുടെ വിജയം.
കഴിഞ്ഞ സീസണില്‍ ഇന്റര്‍ ക്ലബ് ചാംപ്യന്‍ഷിപ്പിലും ഗോകുലം ഫൈനലില്‍ പെനാല്‍റ്റി ഷൂട്ടൗട്ടില്‍ പരാജയപ്പെട്ടിരുന്നു. പ്രഥമ കേരള പ്രീമിയര്‍ ലീഗിന്റെ സെമി ഫൈനലില്‍ തൃശൂര്‍ എഫ് സിയോടും ഗോകുലം പരാജയപ്പെട്ടിരുന്നു. ടീമിന്റെ രണ്ടാം സീസണ്‍ വിജയത്തോടെ തുടങ്ങാമെന്ന പ്രതീക്ഷയ്ക്കാണ് ഡെംപോ എഫ് സിയില്‍ നിന്ന് തിരിച്ചടിയേറ്റത്.
RECENT NEWS
നിയമം കാറ്റില്‍ പറത്തി മലപ്പുറത്ത് ചൈല്‍ഡ് വെല്‍ഫെയര്‍ കമ്മിറ്റി ചെയര്‍മാനായി തെരഞ്ഞെടുത്തത് സി.പി.എം ലോക്കല്‍ സെക്രട്ടറിയെ
മലപ്പുറം: നിയമം കാറ്റില്‍ പറത്തി മലപ്പുറത്ത് ചൈല്‍ഡ് വെല്‍ഫെയര്‍ കമ്മിറ്റി (സി.ഡബ്ല്യു.സി) മലപ്പുറം ജില്ലാ ചെയര്‍മാനായി തെരഞ്ഞെടുത്തത് സി.പി.എം പൊന്നാനി സൗത്ത് ലോക്കല്‍ സെക്രട്ടറി അഡ്വ. എ. സുരേഷിനെ. ജുവനൈല്‍ ജസ്റ്റിസ് ആക്ട് പ്രകാരം സി.ഡബ്ല്യു.സി [...]
