വിസതട്ടിപ്പ് കേസില്‍ 20വര്‍ഷമായി ഒളിവിലായിരുന്ന കോഡൂര്‍ സ്വദേശി അറസ്റ്റില്‍
മലപ്പുറം: വിസ തട്ടിപ്പുകേസില്‍ ഇരുപതുവര്‍ഷമായി ഒളിവിലായിരുന്ന പ്രതി അറസ്റ്റില്‍. മലപ്പുറം കോഡൂര്‍ ആല്‍പ്പറ്റക്കുളമ്പ് സ്വദേശി കൈതക്കല്‍ കുഞ്ഞഹമ്മദ് എന്ന കുഞ്ഞാപ്പ (51)യാണ് പിടിയിലായത്. 1993ലാണ് കേസിനാസ്പദമായ സംഭവം.
വിദേശത്തേക്കു വിസ ശരിയാക്കിതരാമെന്നു വാഗ്ദാനം ചെയ്തു പരാതിക്കാരനില്‍ നിന്നു പണവും പാസ്‌പോര്‍ട്ടും വാങ്ങി ചെന്നൈയില്‍ എത്തിച്ചു പണമോ പാസ്‌പോര്‍ട്ടോ തിരികെ നല്‍കാതെ മുങ്ങുകയായിരുന്നു. സമാനമായി മറ്റു തട്ടിപ്പുകേസുകളിലും ഇടപ്പെട്ടിരുന്ന ഇയാള്‍ ഇത്രയും കാലം വിവിധയിടങ്ങളില്‍ ഒളിവില്‍ കഴിയുകയായിരുന്നു. കോടതി ഇയാളെ പിടികിട്ടാപ്പുള്ളിയായി പ്രഖ്യാപിച്ചിരുന്നു.
കഴിഞ്ഞദിവസം കുഞ്ഞഹമ്മദ് കോഡൂരിലെ ബന്ധുവീട്ടില്‍ എത്തിയതായി വിവരം ലഭിച്ച മലപ്പുറം പോലീസ് പുലര്‍ച്ചെ വീട്ടിലെത്തി ഇയാളെ പിടികൂടുകയായിരുന്നു. മലപ്പുറം കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. എസ്.ഐ ബി.എസ് ബിനു, കെ.സി. ബൈജു, സിപിഒ ഷമീര്‍, ഹുസൈന്‍, രത്‌നകുമാരി എന്നിവരാണ് പ്രതിയെ പിടികൂടിയത്.
RECENT NEWS
യൂത്ത് കോൺഗ്രസ് മാർച്ചിൽ സംഘർഷം, സന്ദീപ് വാര്യരെ അറസ്റ്റ് ചെയ്തു
മലപ്പുറം: കേരളത്തിലെ ആരോഗ്യ വകുപ്പ് അനാരോഗ്യവകുപ്പ് ആയി മാറിയിട്ടുണ്ടെന്നും, വിദേശത്തു മയോ ക്ലിനിക്കിലേക്ക് മുഖ്യമന്ത്രി ചികിത്സ തേടിപ്പോകും മുമ്പ് ഇവിടത്തെ സാധാരണക്കാർക്ക് പാരസെറ്റമോൾ എങ്കിലും ഉണ്ടോയെന്ന് ഉറപ്പു വരുത്തണമായിരുന്നന്നും,കേരളത്തിലെ [...]
