നടിയുടെ പേര് വെളിപ്പെടുത്തി; ഷംസീര് എംഎല്എക്കെതിരെ പരാതി
മലപ്പുറം: കൊച്ചിയില് അക്രമിക്കപ്പെട്ട നടിയുടെ പേരുവെളിപ്പെടുത്തിയ എ.എന് ഷംസീര് എംഎല്എക്കെതിരെ പരാതി. നടിക്കെതിരെ അപകീര്ത്തികരമായ പരാമര്ശം നടത്തുകയും ഇരയുടെ പേര് വെളിപ്പെടുത്തുകയും ചെയ്തന്ന് ചൂണ്ടിക്കാട്ടി യൂത്ത് കോണ്ഗ്രസ് മലപ്പുറം പാര്ലമെന്റ് മണ്ഡലം കമ്മിറ്റി പ്രസിഡന്റ് റയാസ് മുക്കോളിയാണ് മലപ്പുറം ജില്ലാ പോലീസ് മേധാവക്ക് പരാതി നല്കിയത്.
ജൂലൈ 23ന് മലപ്പുറം ടൗണ്ഹാളില് നടന്ന ഡിവൈഎഫ്ഐ ജില്ലാ കണ്വന്ഷനിലാണ് എംഎല്എ ഇരയുടെ പേര് വെളിപ്പെടുത്തിയത്. പണം ലഭിച്ചാല് കേസ് ഒത്തുതീര്പ്പാക്കാന് നടി തയ്യാറുകുമെന്ന പരാമര്ശവും പ്രസംഗത്തില് നടത്തിയതായി പരാതിയില് ചൂണ്ടിക്കാട്ടുന്നുണ്ട്. പരാതിയോടൊപ്പം എംഎല്എയുടെ പ്രസംഗത്തിന്റെ വീഡിയോ ദൃശ്യവും കൈമാറിയിട്ടുണ്ട്. ഐപിസി 228 അനുസരിച്ച് കേസെടുക്കണമെന്ന് റിയാസ് മുക്കോളി ആവശ്യപ്പെട്ടു.
RECENT NEWS
സിവിൽ സർവീസ് പരീക്ഷയിൽ 317 റാങ്ക് നേടിയ പറവത്ത് ഫാത്തിമ ഷിംനയെ ഇ ടി ആദരിച്ചു
മലപ്പുറം: സിവിൽ സർവീസ് പരീക്ഷയിൽ 317 റാങ്ക് നേടിയ പറവത്ത് ഫാത്തിമ ഷിംനയെ മലപ്പുറം പാർലിമെന്റ് മണ്ഡലം യുഡിഎഫ് സ്ഥാനാർത്ഥി ഇ.ടി മുഹമ്മദ് ബഷീർ വീട്ടിൽ ചെന്ന് ആദരിച്ചു. പൊതു വിദ്യാഭ്യാസ സ്ഥാപനങ്ങളിൽ പിന്നാക്ക പ്രദേശങ്ങളിലെ പെണ് കുട്ടികൾ സിവിൽ സർവീസ് [...]