ശശികലക്ക് മലപ്പുറത്ത്‌നിന്ന് പി.സുന്ദ്രേന്റെ ‘ചുട്ട’ മറുപടി
പരപ്പനങ്ങാടി: ഹിന്ദു ഐക്യവേദി നേതാവ് കെ.പി ശശികലയുടെ പുഴുത്ത നാവിന്റെ ദുര്‍ഗന്ധം മലയാളി അനുഭവിക്കുകയാണെന്നും ഈ നാവുകൊണ്ടു മതേതര എഴുത്തുകാരെ ഭീഷണിപ്പെടുത്താന്‍ വരേണ്ടതില്ലെന്നും എഴുത്തുകാരന്‍ പി. സുരേന്ദ്രന്‍. പരപ്പനങ്ങാടിയില്‍ ശിഹാബ് തങ്ങള്‍ ഫൗണ്ടേഷന്‍ സംഘടിപ്പിച്ച ‘ശിഹാബ് തങ്ങള്‍ ദര്‍ശനവും സന്ദേശവും’ ചതുര്‍ദിന പരിപാടിയില്‍ മുഖ്യപ്രഭാഷണം നടത്തുകയായിരുന്നു അദ്ദേഹം.
ശശികലയെപ്പോലുള്ളവരുടെ വാക്കുകളില്‍ ഭയപ്പെടുന്നവരല്ല മലയാളി എഴുത്തുകാര്‍. സംഘ്പരിവാറിന്റെ തോക്കുകൊണ്ട് എഴുത്തുകാരന്റെയും കലാകാരന്റെയും ആര്‍ദ്രവും ദുര്‍ബലവുമായ ഹൃദയത്തെ നിശ്ചലമാക്കാന്‍ സാധിച്ചേക്കും.
എന്നാല്‍, അവരുടെ മസ്തിഷ്‌കത്തെ തകര്‍ക്കാന്‍ ആ തോക്കുകള്‍ക്കു കഴിയില്ലെന്നും പി സുരേന്ദ്രന്‍ പറഞ്ഞു. ഹിറ്റ്‌ലറുടെ കാലത്ത് ഇതിനേക്കാള്‍ വലിയ ഭീഷണികളിലൂടെ കലാകാരന്മാര്‍ കഴിഞ്ഞുപോയിട്ടുണ്ട്.
ആ കലാകാരന്മാര്‍ ആരുംതന്നെ ആത്മഹത്യ ചെയ്തിട്ടില്ല. ഹിറ്റ്‌ലര്‍ കാമുകിയോടൊപ്പം ആത്മഹത്യ ചെയ്ത ചരിത്രമാണ് ലോകത്തുള്ളത്. അത്തരം ചരിത്രങ്ങള്‍ ശശികലയെപ്പോലുള്ളവര്‍ വായിച്ചുനോക്കുന്നത് നന്നായിരിക്കുമെന്നും അദ്ദേഹം പറഞ്ഞു.
RECENT NEWS
സമസ്ത-സി ഐ സി തർക്കത്തിൽ നേതാക്കളുടെ ചർച്ച, എല്ലാം നന്മയിലേക്കാകട്ടെയെന്ന് സാദിഖലി തങ്ങൾ
കോഴിക്കോട്: സമസ്ത നേതാക്കളുമായി വിവിധ വിഷയങ്ങളുമായി ബന്ധപ്പെട്ട് മുസ് ലിം ലീഗ് നേതാക്കൾ ചർച്ച നടത്തി. സമസ്ത-സി ഐ സി പ്രശ്നം ഗുരുതരമായ സാഹചര്യത്തിലാണ് ഇരുകൂട്ടരും ഒന്നിച്ചിരുന്ന് പ്രശ്നങ്ങൾ ചർച്ച ചെയ്തത്. യോഗത്തിന്റെ ചിത്രം പങ്കുവെച്ച് നല്ലൊരു [...]
