ഭിന്നലിംഗക്കാരുടെ ഓണാഘോഷം വാര്‍ത്തയാക്കി ദി ഹിന്ദു ദിനപത്രം
മലപ്പുറം: ഓണ ദിനത്തില്‍ ഭിന്നലിംഗക്കാരുടെ ഓണാഘോഷം വാര്‍ത്താ താളുകളിലെത്തിച്ച് ദി ഹിന്ദു ദിനപത്രം. പത്രത്തിന്റെ മലബാര്‍ പേജിലാണ് ഭിന്നലിംഗക്കാരുടെ ഓണപൂക്കളം ചിത്രം സഹിതം വാര്‍ത്ത വന്നത്. ദി ഹിന്ദു മലപ്പുറം ബ്യൂറോ ഫോട്ടോഗ്രാഫര്‍ സക്കീര്‍ ഹുസൈനാണ് ചിത്രം പകര്‍ത്തിയത്.
ഇതാദ്യമായാണ് രാജ്യത്തെ ഒരു പ്രമുഖ പത്രം ഭിന്നലിംഗക്കാരുടെ ഓണാഘോഷം വാര്‍ത്തയാക്കുന്നത്. ഒരു സമൂഹം എന്ന നിലയില്‍ ഇതാദ്യമായാണ് ഭിന്നലിംഗക്കാരും ഓണം കൂട്ടത്തോടെ ആഘോഷിക്കുന്നത്.
ദ്വയ ചാരിറ്റമ്പിള്‍ സൊസൈറ്റിക്ക് കീഴില്‍ സെപ്റ്റംബര്‍ 11ന് വലിയ തോതിലുള്ള ആഘോഷങ്ങളും നടത്തുന്നുണ്ടെന്ന് സാമൂഹ്യ പ്രവര്‍ത്തകയായ റിയ പറഞ്ഞു. റിയയും സുഹൃത്തുക്കളായ മോനിഷയും, അലീനയും കൂടിയാണ് പൂക്കളം തയ്യാറാക്കിയത്. ഫോട്ടോഗ്രാഫര്‍ മുരളി ഐറിസ് ആവശ്യമായ സഹായങ്ങള്‍ ഇവര്‍ക്ക് നല്‍കി.
RECENT NEWS
കഞ്ചാവ് കടത്തിയ കേസില്‍ മലപ്പുറത്തുകാരായ നാലു പേരെ തൃശൂര്‍ കോടതി ശിക്ഷിച്ചു
മലപ്പുറം: കഞ്ചാവ് കടത്താന് ശ്രമിക്കവേ കുന്നംകുളത്ത് പിടിയിലായ മലപ്പുറത്തുകാരായ നാല് പ്രതികള്ക്ക് 5 വര്‍ഷം കഠിന തടവും, 50,000 രൂപ പിഴയും ശിക്ഷ. ശിഹാബുദ്ദീന്, ഫിറോസ്, നൗഷാദ്, അലി എന്നിവരാണ് കേസിലെ പ്രതികള്. തൃശൂര്‍ അഡീഷണല് ജില്ലാ ജഡ്ജ് ടി കെ [...]
