വിവാദങ്ങള്‍ക്കിടെ ആരോഗ്യമന്ത്രി കെ കെ ശൈലജ നാളെ വണ്ടൂരില്‍
വണ്ടൂര്‍: വിവാദങ്ങള്‍ക്കിടെ ആരോഗ്യ മന്ത്രി കെ കെ ശൈലജ നാളെ മലപ്പുറം ജില്ലയില്‍. മലപ്പുറം ജില്ലാ പഞ്ചായത്തിന് കീഴിലുള്ള ഗവര്‍ണ്‍മെന്റ് ഹോമിയോ ക്യാന്‍സര്‍ സെന്റര്‍ ഉദ്ഘാടനത്തിനാണ് മന്ത്രി എത്തുന്നത്. യു ഡി എഫ് ഭരിക്കുന്ന ജില്ലാ പഞ്ചായത്ത് നടത്തുന്ന ചടങ്ങിലേക്ക് മന്ത്രി ഉദ്ഘാടക ആയി എത്തുന്നുവെന്ന പ്രത്യേകതയുമുണ്ട്.
1.50 കോടി രൂപ ചെലവിലാണ് 10 കിടക്കകളോട് കൂടിയ ചികില്‍സാ കേന്ദ്രവും, 15 ജീവനക്കാരെയും അനുവദിച്ച് ഹോമിയോ ക്യാന്‍സര്‍ സെന്റര്‍ നവീകരിച്ചത്. വണ്ടൂര്‍ എം എല്‍ എ എ പി അനില്‍കുമാറിന്റെ നേതൃത്വത്തിലാണ് ആശുപത്രി നവീകരണ പ്രവര്‍ത്തനങ്ങള്‍ ആരംഭിച്ചത്. 2013 സെപ്റ്റംബര്‍ മാസത്തില്‍ ആശുപത്രി താല്‍ക്കാലിക കെട്ടിടത്തില്‍ പ്രവര്‍ത്തനമാരംഭിച്ചിരുന്നു.
എ പി അനില്‍കുമാര്‍ അധ്യക്ഷത വഹിക്കുന്ന ചടങ്ങില്‍ മന്ത്രി കെ കെ ശൈലജ ആശുപത്രി കെട്ടിടം ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് എ പി ഉണ്ണികൃഷ്ണന്‍, ആരോഗ്യ സ്റ്റാന്റിങ് കമ്മിറ്റി ചെയര്‍മാന്‍ വി സുധാകരന്‍ എന്നിവര്‍ സംബന്ധിക്കും.
RECENT NEWS
ഡിഎല്‍എസ്എ സ്പെഷ്യല്‍ ഡ്രൈവിലൂടെ മലപ്പുറത്ത് തീര്‍പ്പാര്‍ക്കിയത് 6160 കേസുകള്‍
മഞ്ചേരി: കോടതികളില് കെട്ടിക്കിടക്കുന്ന പെറ്റി കേസുകള്ക്ക് തീര്പ്പുണ്ടാക്കുന്നതിനായി ജില്ലാ ലീഗല് സര്വീസസ് അതോറിറ്റി നടപ്പിലാക്കിയ സ്പെഷ്യല്‍ ഡ്രൈവില് 6160 കേസുകള്‍ അവസാനിപ്പിക്കാനായി. പിഴയൊടുക്കി തീര്പ്പാക്കാവുന്ന കേസുകളിലാണ് സത്വര [...]
