ബിബിന് വധം; മൂന്ന് പേരെ പോലീസ് കസ്റ്റഡിയില് ചോദ്യം ചെയ്യുന്നു
തിരൂര്: കോടിഞ്ഞി ഫൈസല് വധക്കേസിലെ മുഖ്യപ്രതികളിലൊരാളായ ആലത്തിയൂര് കുട്ടിച്ചാത്തന്പടി കുണ്ടില് ബിബിനെ വധിച്ച കേസില് മൂന്നു പേര് പോലീസ് കസ്റ്റഡിയില്. സംഭവവുമായി നേരിട്ട് ബന്ധമുള്ളവരെയാണോ പിടികൂടിയിരിക്കുന്നതെന്ന് പോലീസ് വ്യക്തമാക്കിയിട്ടില്ല. ഇവരെ രഹസ്യ കേന്ദ്രത്തില് പ്രത്യേക അന്വേഷണ സംഘത്തിലെ ഉദ്യോഗസ്ഥര് ചോദ്യം ചെയ്തു വരികയാണ്.
ബിബിനെ വെട്ടിയതിനു പിന്നാലെ മൂന്നു പേര് ഓടി മടറയുന്നത് കണ്ടെന്ന് സാക്ഷി മൊഴികളുണ്ടായിരുന്നു. ബൈക്കിലെത്തിയ സംഘമാണ് ബിബിനെ വെട്ടിയത്. എന്നാല് ഓടി മറഞ്ഞത് ഇവരല്ലെന്നാണ് സൂചന.
മലപ്പുറം ജില്ലാ പോലീസ് മേധാവി ദേബേഷ് കുമാര് ബെഹ്റയുടെ നേതൃത്വത്തിലുള്ള സംഘമാണ് കേസ് അന്വേഷിക്കുന്നത്. ഇന്നലെ രാത്രിയാണ് ഈ മൂന്നു പേരെ കസ്റ്റഡിയിലെടുത്തത്. അതേ സമയം തിരൂരിലും, പരിസര പ്രദേശങ്ങളിലും നിരോധനാജ്ഞ തുടരുകയാണ്. പോലീസ് സ്ഥലത്ത് അതീവ ജാഗ്രത പുലര്ത്തുന്നുണ്ട്.
RECENT NEWS
മാധ്യമ മേഖലയിലെ തൊഴില് സുരക്ഷ ഉറപ്പാക്കാന് സര്ക്കാര് ഇടപെടണം; കേരളാ പത്രപ്രവര്ത്തക യൂണിയന്
മലപ്പുറം: മാധ്യമ മേഖലയിലെ തൊഴില് സുരക്ഷ ഉറപ്പാക്കാന് സര്ക്കാര് ഇടപെടണമെന്നു കേരളാ പത്രപ്രവര്ത്തക യൂണിയന് ജില്ലാ സമ്മേളനം ആവശ്യപ്പെട്ടു. പത്രപ്രവര്ത്തക പെന്ഷന് അപേക്ഷകളിലെ കാലതാമസം ഒഴിവാക്കാന് ഉദ്യോഗസ്ഥ തലത്തിലെ അലംഭാവം [...]
