ഗോകുലം എഫ്‌സിക്ക് ഐലീഗ് പ്രവേശനമില്ല
ന്യൂദല്‍ഹി: ഐ ലീഗ് പ്രവേശനത്തിനായി ഗോകുലം എഫ്‌സിയടക്കം മൂന്ന് ടീമുകള്‍ സമര്‍പ്പിച്ച അപേക്ഷ ഇന്ന് ചേര്‍ന്ന ഐ ലീഗ് കമ്മിറ്റി തള്ളി. അടിസ്ഥാന സൗകര്യങ്ങള്‍ ഒരുക്കിയില്ലെന്ന കാരണത്തിലാണ് അപേക്ഷ നിരസിച്ചത്.
ഗോകുലം എഫ് സി കൂടാതെ ബംഗളൂരുവില്‍ നിന്നുള്ള ഓസോണ്‍ എഫ്.സി, രാജസ്ഥാനിലെ ക്രൗണ്‍ സ്‌പോര്‍ട്‌സ് എന്നീ ക്ലബ്ബുകളാണ് അപേക്ഷ നല്‍കിയിരുന്നത്. ഗോകുലം എഫ്‌സി ഐ ലീഗില്‍ കളിക്കുമെന്നത് ഏറെ പ്രതീക്ഷയോടെയാണ് കായിക സ്‌നേഹികള്‍ കണ്ടിരുന്നത്. മഞ്ചേരി പയ്യനാട് സ്റ്റേഡിയമാണ് ഹോം ഗ്രൗണ്ടാക്കാന്‍ നിശ്ചയിച്ചിരുന്നത്.
പുതിയ ഐ ലീഗ് ക്ലബ്ബുകളെ കണ്ടെത്തുന്നതിനായി വീണ്ടും അപേക്ഷ ക്ഷണിക്കാനും ഐ ലീഗ് തീരുമാനിച്ചിട്ടുണ്ട്. അടിസ്ഥാന സൗകര്യങ്ങള്‍ ഒരുക്കുകയാണെങ്കില്‍ ഗോകുലത്തിന് വീണ്ടും അപേക്ഷ നല്‍കാനാവും. വിവ കേരളക്ക് ശേഷം ഐ ലീഗില്‍ കേരളത്തില്‍ നിന്നും ടീമുണ്ടായിരുന്നില്ല. സംസ്ഥാനത്ത് നിന്നൊരു ടീം വരുന്നതില്‍ ഐ ലീഗ് കമ്മിറിക്കും താത്പര്യമുണ്ട്. അടുത്ത ബിഡില്‍ ഗോകുലത്തിന് അവസരം ലഭിക്കുമെന്ന പ്രതീക്ഷയിലാണ് കായികപ്രേമികള്‍
RECENT NEWS
വോട്ട് ചെയ്യാൻ വരുന്നതിനിടെ അപകടത്തിൽ പെട്ട് പരപ്പനങ്ങാടി സ്വദേശി മരിച്ചു
പരപ്പനങ്ങാടി: ലോറിയിടിച്ച് സ്കൂട്ടര് യാത്രികൻ മരിച്ചു. ചെറമംഗലം കുരുക്കള് റോഡ് സ്വദേശി സൈദുഹാജി(70) യാണ് മരിച്ചത്. അപകടത്തിൽ ഗുരുതരമായി പരിക്കേറ്റതിനെ തുടർന്ന് സ്വകാര്യ ആശുപത്രിയിൽ ചികിൽസയിലായിരുന്നു. 12.30 ഓടെ മരണപ്പെടുകയായിരുന്നു. [...]
