ഇ ടി മുഹമ്മദ് ബഷീറിനെ അഭിനന്ദിച്ച് അബ്ദുല്‍ നാസര്‍ മഅ്ദനി
കരുനാഗപ്പള്ളി: മുസ്ലിം ലീഗ് ദേശീയ ഓര്‍ഗനൈസിങ് സെക്രട്ടറി ഇ ടി മുഹമ്മദ് ബഷീറിന്റെ ദളിത്-ന്യൂനപക്ഷ വികസന പ്രവര്‍ത്തനങ്ങള്‍ക്ക് പി ഡി പി നേതാവ് അബ്ദുല്‍ നാസര്‍ മഅ്ദനിയുടെ അഭിനന്ദനം. അന്‍വാര്‍ശേരിയിലെ വസതിയിലെത്തി മഅ്ദനിയെ സന്ദര്‍ശിക്കുന്നതിനിടെയാണ് അദ്ദേഹം ഇ ടിയുടെ പ്രവര്‍ത്തനങ്ങളിലുള്ള സന്തോഷം പ്രകടിപ്പിച്ചത്.
നേരത്തെ ലോക്‌സഭയില്‍ മഅ്ദനിയുടെ മോചനത്തിനു വേണ്ടി ഇ ടി മുഹമ്മദ് ബഷീര്‍ ശബ്ദമുയര്‍ത്തിയിരുന്നു. മകന്റെ വിവാഹവുമായി ബന്ധപ്പെട്ട് സുപ്രീം കോടതി അനുമതിയോടെയാണ് മഅ്ദനി കര്‍ണാടകയിലെ ജയിലില്‍ നിന്ന് നാട്ടിലെത്തിയത്. മകന്റെ വിവാഹത്തിനു ശേഷം ജാമ്യകാലാവധി തീരും വരെ വീട്ടില്‍ വിശ്രമിക്കുകയാണ് അദ്ദേഹം.
മഅ്ദനിയുടെ ആരോഗ്യനില പഴയതിലും മോശമായി വരികയാണെന്ന് ഇ ടി മുഹമ്മദ് ബഷീര്‍ എം പി പറഞ്ഞു. അദ്ദേഹത്തിന് നീതി കിട്ടുന്നതിനുള്ള ശ്രമങ്ങള്‍ തുടരുമെന്നും ഇ ടി മുഹമ്മദ് ബഷീര്‍ പറഞ്ഞു. മുസ്ലിം ലീഗ് കൊല്ലം ജില്ലാ പ്രസിഡന്റ് അന്‍സാറുദീനൊപ്പമാണ് അദ്ദേഹം മഅ്ദനിയുടെ വസതിയിലെത്തിയത്.
നേരത്തെ യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവറലി ശിഹാബ് തങ്ങളും മഅ്ദനിയെ വീട്ടിലെത്തി കണ്ടിരുന്നു.
RECENT NEWS
മലപ്പുറം ജില്ലയില്‍ ശനിയാഴ്ച (2021 ഒക്ടോബര്‍ 23) പ്രാദേശികാടിസ്ഥാനത്തില്‍ രോഗബാധിതരായവരുടെ എണ്ണം ചുവടെ
മലപ്പുറം ജില്ലയില്‍ ശനിയാഴ്ച (2021 ഒക്ടോബര്‍ 23) പ്രാദേശികാടിസ്ഥാനത്തില്‍ രോഗബാധിതരായവരുടെ എണ്ണം ചുവടെ ചേര്ക്കുന്നു എ.ആര് നഗര് 05 ആലങ്കോട് 06 ആലിപ്പറമ്പ് 02 അമരമ്പലം 01 ആനക്കയം 03 അങ്ങാടിപ്പുറം 07 അരീക്കോട് 04 ആതവനാട് 01 ഊരകം 01 ചീക്കോട് 05 [...]
