കോഴിക്കോട് സ്റ്റേഡിയം എവര്ഗ്രീന് എഫ് സിയുടെ ഹോംഗ്രൗണ്ട്?
![കോഴിക്കോട് സ്റ്റേഡിയം എവര്ഗ്രീന് എഫ് സിയുടെ ഹോംഗ്രൗണ്ട്?](https://cdn.statically.io/img/malappuramlife.com/wp-content/uploads/2017/08/EVERGREEN.jpg)
മലപ്പുറം: തിരുവനന്തപുരം ഗ്രീന് ഫീല്ഡ് സ്റ്റേഡിയത്തിലേക്ക് ക്രിക്കറ്റ് മല്സരം വിരുന്നെത്തുന്നതില് ഏറ്റവും സന്തോഷിക്കുന്നത് മലബാറിലെ ഫുട്ബോള് പ്രേമികളാണ്. തിരുവനന്തപുരത്ത് ക്രിക്കറ്റ് മല്സരം വരുന്നതോടെ ഫുട്ബോള് മല്സരത്തിന് ഇവിടം വേദിയാക്കാനാകില്ല. ഇങ്ങനെയൊരു സാഹചര്യം സംജാതമായതു കൊണ്ട് ഗ്രീന്ഫീല്ഡ് സ്റ്റേഡിയം വേദിയാക്കി ഐ ലീഗിനൊരുങ്ങിയിരുന്ന കേരള എവര്ഗ്രീന് എഫ് സിക്ക് വേറെ വേദി കണ്ടെത്തേണ്ടി വരും. തിരുവനന്തപുരം വിടേണ്ടി വന്നാല് കോഴിക്കോട് കോര്പ്പറേഷന് സ്റ്റേഡിയം വേദിയാക്കാനാണ് താല്പര്യമെന്ന് എവര്ഗ്രീന് എഫ് സി അധികൃതര് അറിയിച്ചിരുന്നു.
ഈ തിരൂമാനം മൂലം കോളടിക്കുന്നത് മലബാറിലെ ഫുട്ബോള് പ്രേമികള്ക്കാണ്. കേവലം 50 കിലോമീറ്റര് അകലത്തിനുള്ളില് രണ്ട് ഐ ലീഗ് ടീമുകളെയാണ് അവര്ക്ക് ലഭിക്കുന്നത്. ഒപ്പം രണ്ട് ഐ ലീഗ് ടീമുകളുടെ മല്സരങ്ങള് നേരിട്ടു കാണുവാനുള്ള അസുലഭാവസരവും.
മഞ്ചേരി സ്റ്റേഡിയം വേദിയാക്കിയാണ് ഐ ലീഗ് മല്സരങ്ങള്ക്ക് ഒരുങ്ങുന്നതെന്ന് ഗോകുലം എഫ് സി നേരത്തെ തന്നെ പ്രഖ്യാപിച്ചിരുന്നു. മഞ്ചേരിയിലെ ഫ്ലഡ്ലൈറ്റ് നിര്മാണം പൂര്ത്തിയായാല് ഗോകുലം എഫ് സിയുടെ ഹോം മല്സരങ്ങള്ക്ക് സ്റ്റേഡിയം സാക്ഷിയാകും. ഒപ്പം തൊട്ടകലെ തന്നെ ഗ്രീന് ഫീല്ഡ് എഫ് സി തങ്ങളുടെ ഹോം മല്സരങ്ങളും കളിക്കും. കോഴിക്കോട്ടെ ടീമും, മലപ്പുറത്തെ ടീമും ഐ ലീഗില് അണിനിരക്കുമ്പോള് ഒരു മലബാര് ഡര്ബിക്കും സാധ്യത തെളിയുന്നു.
RECENT NEWS
![](https://malappuramlife.com/wp-content/uploads/2024/07/Manjalamkuzhi-Ali.jpg)
ഡിഗ്രി വിദ്യാഭ്യാസം പാതിവഴിയിൽ മുടങ്ങിയ സ്ത്രീകൾക്ക് തുടർ പഠനത്തിന് അവസരമൊരുക്കി മഞ്ഞളാംകുഴി അലി
മലപ്പുറം: ഡിഗ്രി വിദ്യാഭ്യാസം പാതിയിലുപേക്ഷിക്കേണ്ടി വന്ന മങ്കട മണ്ഡലത്തിലെ വനിതകള്ക്ക് അവരുടെ സ്വപ്നം സാക്ഷാല്ക്കരിക്കുന്നതിന് അവസരമൊരുങ്ങുന്നു. മഞ്ഞളാംകുഴി അലി എം.എല്.എയുടെ നേതൃത്വത്തില് രാമപുരത്തെ ജെംസ് ആര്ട്സ് ആന്റ് സയന്സ് കോളേജിന്റെ [...]