ബൈപ്പാസിന് സ്ഥലം നല്‍കിയവര്‍ക്ക് നഷ്ടപരിഹാരം കൈമാറി
മലപ്പുറം: മലപ്പുറം – കോട്ടപ്പടി – വലിയങ്ങാടി ബൈപ്പാസ് നിര്‍മ്മാണത്തിന് സ്ഥലം നല്‍കിയവര്‍ക്കുള്ള നഷ്ട പരിഹാര തുക പി. ഉബൈദുള്ള എം.എല്‍.എ വിതരണം ചെയ്തു. റോഡ് കടന്നു പോകുന്ന പ്രദേശത്തെ 67 ഭൂഉടമകള്‍ക്ക് 24 കോടി രൂപയാണ് ജില്ലാ കലക്ടര്‍ അനുവദിച്ചത്. ഇതില്‍ എല്ലാവിധ രേഖകളും ഹാജരാക്കിയ 31 സ്ഥല ഉടമകള്‍ക്ക് 9.51 കോടി രൂപ വിതരണം ചെയ്തു. രേഖകള്‍ ഹാജരാക്കാത്ത 36 ഭൂ ഉടമകള്‍ക്ക് നല്‍കാനുള്ള 14.4 കോടി രൂപ മഞ്ചേരി അഡീഷണല്‍ സെക്ഷന്‍ ജില്ലാ കോടതിയില്‍ കെട്ടിവെക്കും.
ഭുമി വിട്ടു നല്‍കാതെ കേസ്സില്‍ ഉള്‍പ്പെട്ടവര്‍ക്ക് ഹൈക്കോടതിയുടെ തീര്‍പ്പനുസരിച്ച് ആവശ്യമായ നടപടി സ്വീകരിക്കും.
കലക്‌ട്രേറ്റ് കോണ്‍ഫ്രന്‍സ് ഹാളില്‍ നടന്ന ചടങ്ങില്‍ ജില്ലാ കലക്ടര്‍ അമിത മീണ, ഡപ്യുട്ടികലക്ടര്‍ വി.രാമചന്ദ്രന്‍, മുനിസിപ്പല്‍ ചെയര്‍പേഴ്‌സണ്‍ സി.എച്ച് ജമീല, സ്റ്റാന്റിംഗ് കമ്മിറ്റി ചെയര്‍മാന്‍ അബ്ദുല്‍ മജീദ്, റോഡ്‌സ് വിഭാഗം എക്‌സിക്യൂട്ടിവ് എഞ്ചിനിയര്‍ ഗിരീഷ് എസ്.തുടങ്ങിയവര്‍ പങ്കെടുത്തു.
RECENT NEWS
എല്‍ഡിഎഫ് സര്‍ക്കാര്‍ സ്മാര്‍ട്ട് സിറ്റിയെ ഞെക്കി കൊന്നുവെന്ന് പി കെ കുഞ്ഞാലിക്കുട്ടി
മലപ്പുറം: എല്‍ഡിഎഫ് സര്‍ക്കാര്‍ സ്മാര്‍ട്ട് സിറ്റിയെ ഞെക്കി കൊന്നുവെന്ന് പി കെ കുഞ്ഞാലിക്കുട്ടി എം എൽ എ. നഷ്ടപരിഹാരം നല്കുക എന്നത് വിചിത്രമായ നടപടിയാണ്. വലിയ പ്രതീക്ഷയില് യുഡിഎഫ് കൊണ്ടുവന്ന പ്രൊജക്ടാണിത്. നഷ്ടപരിഹാരം നല്കുന്നതോടെ പരാജയം [...]
