അനസ് എടത്തൊടിക ജംഷഡ്പൂര്‍ എഫ്.സിയില്‍
മുംബൈ : ഇന്ത്യന്‍ സൂപ്പര്‍ ലീഗിലെ ഏറ്റവും വിലപിടിപ്പുള്ള താരമായ മലപ്പുറത്തിന്റെ അഭിമാനം അനസ് എടത്തൊടിക ജംഷഡ്പൂര്‍ എഫ്.സിയില്‍. ഈ വര്‍ഷം ഐഎസ്എല്ലില്‍ എത്തിയ ജംഷജ്പൂര്‍ ടീം ആദ്യം സ്വന്തമാക്കിയതും അനസിനെയാണ്. ഡ്രാഫ്റ്റില്‍ ആദ്യം സ്വന്തമാക്കപ്പെട്ട കളിക്കാരനും അനസ് ആണ്.
ദല്‍ഹി ഡൈനാമോസിലായിരുന്നു കഴിഞ്ഞ വര്‍ഷങ്ങളില്‍ അനസ് കളിച്ചിരുന്നത്. താരത്തെ ദല്‍ഹി നിലനിര്‍ത്താത്തതിനാല്‍ ഡ്രാഫ്റ്റില്‍ എത്തുകയായിരുന്നു. കഴിഞ്ഞ സീസണിലെ മികച്ച പ്രതിരോധ നിരക്കാരനുള്ള ഫുട്‌ബോള്‍ അസോസിയേഷന്‍ പുരസ്‌കാരം മികച്ച കളിക്കാരനുള്ള പ്ലയേഴ്‌സ് അസോസിയേഷന്‍ പുരസ്‌കാരം എന്നിവ നേടിയ ഈ കൊണ്ടോട്ടിക്കാരനെ മറ്റു ടീമുകളും നോട്ടമിട്ടിരുന്നു.
കഴിഞ്ഞ സീസണിലെ കേരളബ്ലാസ്‌റ്റേഴ്‌സിന്റെ കോച്ചയിരുന്ന സ്റ്റീവ് കോപലാണ് ജംഷഡ്പൂരിനെ പരിശീലിപ്പിക്കുന്നത്. അനസടക്കം മൂന്ന് താരങ്ങളാണ് മലപ്പുറത്തു നിന്നും ഡ്രാഫ്റ്റില്‍ പങ്കെടുക്കുന്നത്. അരീക്കോട്ടുകാരന്‍ സക്കീര്‍, തിരൂര്‍ സ്വദേശി അബ്ദുല്‍ ഹഖ് എന്നിവരാണ് മറ്റുള്ളവര്‍
RECENT NEWS
എസ് എഫ് ഐ യൂണിറ്റ് സെക്രട്ടറിയായിരുന്ന സ്കൂളിൽ വോട്ട് ചോദിക്കാനെത്തി എം സ്വരാജ്
നിലമ്പൂർ: നിലമ്പൂർ ഉപതിരഞ്ഞെടുപ്പിൽ ഇടതുപക്ഷ ജനാധിപത്യ മുന്നണി സ്ഥാനാർത്ഥി എം സ്വരാജ് ഇന്ന് പോത്തുക്കല്ല് പഞ്ചായത്തിൽ വിപുലമായ പര്യടനം നടത്തി. ചീത്ത്ക്കല്ല്, കുന്നുമ്മൽ, പറയനങ്ങടി, പള്ളിപ്പടി, കുട്ടംകുളം, മച്ചിക്കൈ, ആലിൻചുവട്, കൊട്ടുപ്പാറ, [...]
