മലപ്പുറത്തിന്റെ അനസ് എടത്തൊടിക ഇനി ഇന്ത്യന് ഫുട്ബോളിലെ കോടിപതി

മലപ്പുറം: കൊണ്ടോട്ടിക്കാരന് അനസ് എടത്തൊടിക ഐ എസ് എല്ലിലെ ഏറ്റവും വിലയേറിയ ഇന്ത്യന് കളിക്കാരന്. ഇന്ന് പുറത്തുവന്ന ഐ എസ് എല് ഡ്രാഫ്റ്റിലാണ് 1.10 കോടി രൂപയുമായി അനസ് യൂജീന്സന് ലിങ്ദോഹിനൊപ്പം ഏറ്റവും വിലകൂടിയ താരമായത്. മലപ്പുറത്ത് നിന്നും ആകെ മൂന്ന് താരങ്ങളാണ് ഐ എസ് എല് ഡ്രാഫ്റ്റിലുള്ളത്. ഈ ഡ്രാഫ്റ്റില് നിന്നാണ് വിവിധ ടീമുകള് തങ്ങള്ക്കു വേണ്ട കളിക്കാരെ ലേലത്തില് വിളിച്ചെടുക്കുന്നത്.
കഴിഞ്ഞ ഐ എസ് എല്ലില് ഡല്ഹി ഡൈനാമോസിനു വേണ്ടി കളത്തിലിറങ്ങി മികച്ച പ്രതിരോധ നിര താരത്തിനുള്ള പാരിതോഷികം സ്വന്തമാക്കിയ താരമാണ് അനസ്. ഇന്ത്യയിലെ മികച്ച കളിക്കാരനുള്ള ഫുട്ബോള് അസോസിയേഷന് പുരസ്കാരവും അനസിനായിരുന്നു.
ചെന്നൈയിന് എഫ് സി താരമായ എം പി സക്കീര് എന്ന മാനുപ്പയ്ക്ക് 18 ലക്ഷം രൂപയാണ് അടിസ്ഥാന വില നിശ്ചയിച്ചിരിക്കുന്നത്. തിരൂര് കേന്ദ്രമായ സാറ്റ് ഫുട്ബോള് അക്കാദമിയുടെ താരമായിരുന്ന ഹക്കുവിന് വില 12 ലക്ഷം രൂപയാണ്. ഇവര് രണ്ടുപേരുമാണ് അനസിനെ കൂടാതെ മലപ്പുറം ജില്ലയില് നിന്നും ഡ്രാഫ്റ്റിലുള്ള ഫുട്ബോള് കളിക്കാര്.
RECENT NEWS

മഞ്ചേരിയില് ഭാര്യയെ ശല്യം ചെയ്തത് ചോദ്യം ചെയ്ത ഭര്ത്താവിനെ വെട്ടി; പ്രതി പിടിയില്
മഞ്ചേരി: ഭാര്യയെ നിരന്തരം ശല്യം ചെയ്തത് ചോദ്യം ചെയ്തതിലുള്ള വിരോധം മൂലം ഭര്ത്താവിനെ കത്തി കൊണ്ട് വെട്ടി കൊലപ്പെടുത്താന് ശ്രമിച്ച സംഭവത്തില് പ്രതിയെ മഞ്ചേരി പൊലീസ് അറസ്റ്റ് ചെയ്തു. മഞ്ചേരി അരുകിഴായ കുറുക്കന്മൂച്ചിപ്പറമ്പില് അജിത്ത് (36) [...]