പെരിന്തല്മണ്ണ സബ് കലക്ടര്ക്ക് സ്ഥലം മാറ്റം
പെരിന്തല്മണ്ണ: സബ് കലക്ടര് ജാഫര് മാലികിന് സ്ഥലം മാറ്റം. ഇന്ന് നടന്ന കാബിനറ്റ് യോഗം അദ്ദേഹത്തെ ടൂറിസം അഡീഷണല് ഡയറക്ടറായി നിയമിക്കാനാണ് തീരുമാനിച്ചത്. പ്ലാനിംഗ് ഡെപ്യൂട്ടി ഡയറക്ടറുടെ ചുമതലയും അദ്ദേഹത്തിനാണ്.
രാജസ്ഥാന് സ്വദേശിയായ ഇദ്ദേഹം 2013 ഐ എ എസ് ബാച്ച് ഉദ്യോഗസ്ഥനാണ്. 97-ാം റാങ്കോടെയാണ് ഇദ്ദേഹം സിവില് സര്വീസ് പരീക്ഷയില് വിജയിച്ചത്. മലപ്പുറം അസിസ്റ്റന്റ് കലക്ടറായിരുന്ന ഹഫ്സാന പര്വീന് ആണ് ഭാര്യ. ജില്ലയിലെ ഐ എസ് ദമ്പതികള് എന്ന പേരിലാണ് ഇവര് അറിയപ്പെട്ടിരുന്നത്. ഗെയില് പൈപ്പ് ലൈനുമായി ബന്ധപ്പെട്ട മലപ്പുറം ജില്ലയിലെ ചര്ച്ചകള്ക്ക് നേതൃത്വം നല്കി വരുന്നതിനിടെയാണ് സ്ഥലം മാറ്റം. ഇദ്ദേഹത്തിന്റെ സ്ഥലം മാറ്റതോടെ മലപ്പുറം ജില്ലയുടെ അധികാര സ്ഥാനത്ത് രണ്ട് രാജസ്ഥാന് സ്വദേശികള് എന്ന അപൂവര്വതയും അവസാനിക്കുകയാണ്. ജില്ലാ കലക്ടര് അമിത് മീണയും രാജസ്ഥാന് സ്വദേശിയാണ്.
RECENT NEWS
കോട്ടക്കൽ ചിനക്കലിൽ വാഹനാപകടത്തിൽ ഒമ്പതു വയസുകാരിക്ക് ദാരുണാന്ത്യം
കോട്ടക്കൽ: മലപ്പുറത്ത് വാഹനാപകടത്തില് ഒന്പത് വയസുകാരിക്ക് ദാരുണാന്ത്യം. മലപ്പുറം ചിനക്കല് സ്വദേശി ഷാനാവാസിന്റെ മകള് റീം ഷാനവാസ് ആണ് മരിച്ചത്. ഇന്ന് രാവിലെ കോട്ടക്കല് പുത്തൂരില് ആയിരുന്നു അപകടം. നിയന്ത്രണം വിട്ട ലോറി വാഹനങ്ങള്ക്കിടയിലേക്ക് [...]
