മലപ്പുറത്ത് ഹര്‍ത്താലില്‍ അക്രമം
മലപ്പുറം: ബി ജെ പി ഹര്‍ത്താലില്‍ മലപ്പുറത്ത് അങ്ങിങ്ങ് സംഘര്‍ഷം. ടു വീലര്‍ ഒഴികെയുള്ള വാഹനങ്ങളുടെ യാത്ര ഹര്‍ത്താല്‍ അനുകൂലികള്‍ തടസപ്പെടുത്തി. തിരൂരങ്ങാടി ചെറുമുക്കിലും, തിരൂരിന്റെ ചില ഭാഗങ്ങളിലും കടകളടപ്പിക്കാനുള്ള ശ്രമം സംഘര്‍ഷത്തില്‍ കലാശിച്ചു.
ചെറുമുക്കില്‍ ഹര്‍ത്താലിന്റെ ഭാഗമായി എയര്‍പോര്‍ട്ടിലേക്ക് അടക്കമുള്ള വാഹനങ്ങള്‍ തടഞ്ഞതാണ് നാട്ടുകാരെ ചൊടിപ്പിച്ചത്. ഇത് ചോദ്യം ചെയ്തത് ഹര്‍ത്താല്‍ അനുകൂലികളും നാട്ടുകാരും തമ്മിലുള്ള ഉന്തിലും തള്ളിലുമാണ് അവസാനിച്ചത്.
തിരൂര്‍ ബി പി അങ്ങാടിയില്‍ തുറന്നു പ്രവര്‍ത്തിച്ചിരുന്ന ബേക്കറിക്കും, ഇന്‍ഡസ്ട്രിയല്‍ കടയ്ക്കും, ഹോട്ടിലിനും നേരെ ആക്രമണമുണ്ടായി.
ജില്ലയില്‍ വാഹനഗതാഗതവും, ഓഫീസുകളുടെ പ്രവര്‍ത്തനവും തടസപ്പെട്ടു. കെ എസ് ആര്‍ ടി സി സര്‍വീസുകള്‍ ഒന്നും തന്നെ നടത്തിയില്ല.
RECENT NEWS
പൊന്നാനി മണ്ഡലത്തിൽ എൽ ഡി എ വികസന രേഖ പുറത്തിറക്കി
തിരൂർ : പൊന്നാനി മണ്ഡലത്തിന്റെ സമഗ്ര വികസനം മുന്നോട്ട് വെച്ച് എൻഡിഎ വികസന രേഖ പുറത്തിറക്കി. വിദ്യാഭ്യാസ മേഖലയ്ക്കും, കാർഷിക, തീരദേശ മേഖലകൾക്ക് വികസന രേഖ പ്രത്യേക പരിഗണന നൽകുന്നുണ്ട്. ഗുരുവായൂർ റെയിൽവെ പാത വികസനം, മഴവെള്ള സംഭരണ പദ്ധതികൾ, മാലിന്യ [...]
