ആവേശമായി വി എസ് മലപ്പുറം ജില്ലയില്‍
താനൂര്‍: അഴിമതിക്കും, അക്രമ രാഷ്ട്രീയത്തിനുമെതിരെ ആഞ്ഞടിച്ച് മലപ്പുറം ജില്ലയില്‍ വി എസ് അച്യുതാന്ദന്റെ തിരഞ്ഞെടുപ്പ് പ്രചാരണം. താനൂര്‍ മണ്ഡലത്തില്‍ നിന്ന് ആരംഭിച്ച പ്രചാരണം പെരിന്തല്‍മണ്ണ, നിലമ്പൂര്‍ മണ്ഡലങ്ങളിലും പൊതുയോഗങ്ങളില്‍ സംബന്ധിച്ചാണ് വി എസ് അവസാനിപ്പിച്ചത്.
വി എസ് പങ്കെടുത്ത ജില്ലയിലെ ആദ്യ തിരഞ്ഞെടുപ്പ് പ്രചാരണത്തിന് നൂറു കണക്കിന് ആളുകളാണ് താനൂര്‍ ബസ് സ്റ്റാന്റ് പരിസരത്ത് എത്തിയത്. അഴിമതിയും, വിലക്കയറ്റവും, അക്രമ രാഷ്ട്രീയവും അവസാനിക്കാന്‍ എല്‍ ഡി എഫ് സര്‍ക്കാരിന് ജനങ്ങള്‍ ഈ തിരഞ്ഞെടുപ്പില്‍ വിജയിപ്പിക്കണമെന്ന് അദ്ദേഹം ആഹ്വാനം ചെയ്തു. ഇടതുമുണിയെ അടിച്ചമര്‍ത്താന്‍ ശ്രമിക്കുന്ന ശക്തികള്‍ക്ക് വോട്ടിലൂടെ ജനം മറുപടി നല്‍കുമെന്നും താനൂരില്‍ വി അബ്ദുറഹിമാന്‍ വിജയം നേടുമെന്നും വി എസ് പറഞ്ഞു.
താനൂരില്‍ ലീഗ് അഴിച്ച് വിടു അക്രമങ്ങള്‍ക്ക് ശക്തമായ തിരിച്ചടി നല്‍കുന്നതിനായി ഇടതു സ്ഥാനാര്‍ഥിക്ക് വോട്ടും അഭ്യര്‍ഥിച്ചാണ് അദ്ദേഹം വേദി വിട്ടത്. തുടര്‍ന്ന താനൂര്‍ തീരദേശത്ത് അക്രമണങ്ങള്‍ക്കിരയായ കുടുംബങ്ങളിലും അദ്ദേഹം സന്ദര്‍ശനം നടത്തി.
RECENT NEWS
മഞ്ചേരിയില്‍ ഭാര്യയെ ശല്യം ചെയ്തത് ചോദ്യം ചെയ്ത ഭര്‍ത്താവിനെ വെട്ടി; പ്രതി പിടിയില്‍
മഞ്ചേരി: ഭാര്യയെ നിരന്തരം ശല്യം ചെയ്തത് ചോദ്യം ചെയ്തതിലുള്ള വിരോധം മൂലം ഭര്‍ത്താവിനെ കത്തി കൊണ്ട് വെട്ടി കൊലപ്പെടുത്താന് ശ്രമിച്ച സംഭവത്തില് പ്രതിയെ മഞ്ചേരി പൊലീസ് അറസ്റ്റ് ചെയ്തു. മഞ്ചേരി അരുകിഴായ കുറുക്കന്മൂച്ചിപ്പറമ്പില് അജിത്ത് (36) [...]
