ഹൈടെക് പ്രാചരണവുമായി പി വി അന്‍വര്‍
നിലമ്പൂര്‍: നിലമ്പൂര്‍ മണ്ഡലം എല്‍.ഡി.എഫ് സ്വതന്ത്ര സ്ഥാനാര്‍ത്ഥി പി.വി. അന്‍വറിന്റെ തെരഞ്ഞെടുപ്പ് പ്രചരണത്തിന് ആന്‍ഡ്രോയ്ഡ് മൊബൈല്‍ ആപ്പും. വോട്ടര്‍മാരോട് നേരിട്ടു സംവദിക്കുന്ന ആപ്പിന്റെ ലോഞ്ചിംഗ് 24ന് വൈകിട്ട് അഞ്ചിന് എടക്കരയില്‍ പ്രതിപക്ഷനേതാവ് വി.എസ്. അച്യുതാനന്ദന്‍ നിര്‍വ്വഹിക്കും. വോട്ടര്‍മാര്‍ക്ക് പ്രചരണത്തിന്റെ ഓരോ നിമിഷവും തൊട്ടറിയാനും ആപ്പ് സഹായിക്കും.
സ്ഥാനാര്‍ത്ഥിയുടെ ഒരോ ദിവസത്തേയും പ്രചരണ പരിപാടികള്‍, സന്ദര്‍ശന സ്ഥലങ്ങള്‍, എന്നിവ ഇതുവഴി അറിയാനാകും. പ്രചരണ വാര്‍ത്തകള്‍, ചിത്രങ്ങള്‍, വീഡിയോകള്‍. തിരഞ്ഞെടുപ്പു ഗാനങ്ങള്‍, എന്നിവ ആപ്പിലുണ്ട്. വീഡിയോകളും ചിത്രങ്ങളും ഗാനങ്ങളും ഡൗണ്‍ലോഡ് ചെയ്യാനും കഴിയും. ഫെയ്‌സ്ബുക്കില്‍ പ്രൊഫൈല്‍ ബാഡ്ജ് ആയി ഉപയോഗപ്പെടുത്താനും സംവിധാനമുണ്ട്.
സ്ഥാനാര്‍ത്ഥി പരിചയം, വികസനം, സ്ത്രീശാക്തീകരണം, യുവജനം, വയോജനം, ഗോത്ര പൈതൃകം, തുടങ്ങി വിവിധ മേഖലകളിലെ നിലപാടുകളും ആപ്പിലുണ്ട്. വോട്ടര്‍മാര്‍ക്ക് തങ്ങളുടെ അഭിപ്രായങ്ങളും നിര്‍ദേശങ്ങളും നല്‍കാന്‍ ‘ഐഡിയ ബോക്‌സ്’ എന്ന പ്രത്യേക സൗകര്യവും ഉണ്ട്. ഗൂഗിള്‍ പ്ലേസ്റ്റോറില്‍ പി.വി അന്‍വര്‍(PV ANVAR) എന്ന് തിരഞ്ഞാല്‍ ആപ്പ് ലഭിക്കും. സൗജന്യമായി ഇത് ഡൗണ്‍ലോഡ് ചെയ്യാം.
RECENT NEWS
കരിപ്പൂരിൽ ശരീരത്തിലൊളിപ്പിച്ച് 1.40 കോടി രൂപയുടെ സ്വർണ കടത്ത്, പ്രതിഫലമായി ഉംറ തീർഥാടനത്തിന്റെ ചെലവും
കരിപ്പൂർ: കോഴിക്കോട് അന്താരാഷ്ട്ര വിമാനത്താവളം വഴിയുള്ള സ്വർണ കടത്തിന് കുറവില്ല. മലദ്വാരത്തിലും, കാർഡ് ബോർഡ് പെട്ടികൾക്കുള്ളിലുമായി കടത്താൻ ശ്രമിച്ച 2.25 കിലോഗ്രാമോളം സ്വർണമാണ് മൂന്ന് വ്യത്യസ്ത യാത്രക്കാരിൽ നിന്നുമായി കോഴിക്കോട് എയർ കസ്റ്റംസ് [...]
