ഖാദര്‍ ലീഗ് വിടുന്നു?
മലപ്പുറം : മുസ്ലിംലീഗ് ജില്ലാ സെക്രട്ടറി കെ.എന്‍.എ ഖാദര്‍ ലീഗുമായി വഴിപിരിയുന്നെന്ന സോഷ്യല്‍ മീഡിയയില്‍ വ്യാപക പ്രചരണം. കുഞ്ഞാലിക്കുട്ടിയുടെ ഏകാധിപത്യ നിലപാടിലും വള്ളിക്കുന്ന് സീറ്റ് നിഷേധിച്ചതിലും പ്രതിഷേധിച്ചാണ് ഖാദറിന്റെ നീക്കമെന്നാണ് ഫേസ്ബുക്ക് പോസ്റ്റ്.
എന്നാല്‍ പോസ്റ്റിനെതിരെ കെ.എന്‍.എ ഖാദര്‍ രംഗതെത്തി. കഴിഞ്ഞ 29 വര്‍ഷമായി മുസ്‌ലിം ലീഗില്‍ സജീവമായി പ്രവര്‍ത്തിച്ചു വരുന്ന തന്റെ പ്രതിച്ഛായ തകര്‍ക്കാനാണ് ശ്രമമെന്ന് ഖാദര്‍ ഫേസ്ബുക്കില്‍ വ്യക്തമാക്കി. അപവാദ പ്രചാരകര്‍ക്കെതിരെ നിയമ നടപടികള്‍ സ്വീകരിക്കുമെന്നും അദ്ദേഹം അറിയിച്ചു.
മുന്‍ സി.പി.ഐ നേതാവായിരുന്ന ഖാദര്‍ 1990ലാണ് ലീഗിലെത്തുന്നത്. പിന്നീട് മുസ്‌ലിം ലീഗ് വേദികളിലെ സ്ഥിരം പ്രഭാഷകനായി. 2011ല്‍ വള്ളിക്കുന്ന് മണ്ഡലത്തില്‍ നിന്നും അന്‍പത് ശതമാനത്തിലധികം വോട്ടു നേടിയാണ് ഖാദര്‍ നിയമസഭയിലെത്തിയത്.
RECENT NEWS
നിയമം കാറ്റില്‍ പറത്തി മലപ്പുറത്ത് ചൈല്‍ഡ് വെല്‍ഫെയര്‍ കമ്മിറ്റി ചെയര്‍മാനായി തെരഞ്ഞെടുത്തത് സി.പി.എം ലോക്കല്‍ സെക്രട്ടറിയെ
മലപ്പുറം: നിയമം കാറ്റില്‍ പറത്തി മലപ്പുറത്ത് ചൈല്‍ഡ് വെല്‍ഫെയര്‍ കമ്മിറ്റി (സി.ഡബ്ല്യു.സി) മലപ്പുറം ജില്ലാ ചെയര്‍മാനായി തെരഞ്ഞെടുത്തത് സി.പി.എം പൊന്നാനി സൗത്ത് ലോക്കല്‍ സെക്രട്ടറി അഡ്വ. എ. സുരേഷിനെ. ജുവനൈല്‍ ജസ്റ്റിസ് ആക്ട് പ്രകാരം സി.ഡബ്ല്യു.സി [...]
