പൊന്മള സ്വദേശിയുടെ തിരോധാനം; പോലീസ് സംഘം ഹൈദരബാദിലേക്ക്
മലപ്പുറം: പൊന്മള സ്വദേശിയുടെ തിരോധാനം സംബന്ധിച്ച് മലപ്പുറം പോലീസ് അന്വേഷണമാരംഭിച്ചു. പൊന്മള സ്വദേശിയായ യുവാവിന്റെ മാതാവിന്റെ പരാതിയെ തുടര്ന്നാണ് പോലീസ് നടപടി. ആഗസ്റ്റ് 18 മുതല് തന്റെ മകനെ കാണാനില്ലെന്ന് ചൂണ്ടികാണിച്ചാണ് പരാതി. അന്വേഷണത്തിന്റെ ഭാഗമായി പോലീസ് ഹൈദരബാദിലേക്ക് പുറപ്പെട്ടു.
വെല്ലൂരില് എം ടെക് വിദ്യാര്ഥിയായ യുവാവ് സുഹൃത്തുക്കളെ കാണാന് ഹൈദരബാദിലേക്ക് പോകുന്നുവെന്ന് പറഞ്ഞാണ് വീട്ടില് നിന്ന് ഇറങ്ങിയത്. ആഗസ്റ്റ് 27നാണ് പോലീസിന് പരാതി ലഭിച്ചത്. ഗള്ഫിലായിരുന്ന ഇയാളുടെ കുടുംബം അടുത്തിടെയാണ് നാട്ടിലെത്തിയത്.
എന്നാല് ഇദ്ദേഹം ഐ എസ് ചേര്ന്നതായുള്ള വാര്ത്തകള് അടുത്ത ബന്ധുക്കള് നിഷേധിച്ചു. ഇത് സംബന്ധിച്ച് പോലീസിനും വിവരമൊന്നും ലഭിച്ചിട്ടില്ല. ഇദ്ദേഹം ഐ എസില് ചേര്ന്നുവെന്ന് കുടുംബത്തിന് മെസേജ് ലഭിച്ചെന്ന് കാണിച്ച് ഇന്നലെ വിവിധ മാധ്യമങ്ങളിലേക്ക് അജ്ഞാത മെയില് ലഭിച്ചിരുന്നു.
RECENT NEWS
വിദ്യാഭ്യാസ വകുപ്പിൻ്റെ കെടുകാര്യസ്ഥത; എം.എസ്.എഫ് ഡി.ഡി.ഇ ഓഫീസ് ഉപരോധം
മലപ്പുറം: വിദ്യാഭാസ മേഖലയിൽ നിരന്തരം പ്രശ്നങ്ങൾ സൃഷ്ടിച്ച് വിദ്യാർത്ഥികൾക്ക് മൂല്യവത്തായ വിദ്യാഭ്യാസം സർക്കാർ നിഷേധിക്കുകയാണെന്ന് എം.എസ്.എഫ് ജില്ലാ പ്രസിഡൻ്റ് കബീർ മുതുപറമ്പ് പറഞ്ഞു. സ്കൂൾ യൂണിഫോം വിതരണം പൂർത്തിയാക്കുക, വ്യാപക പിഴവുകളുള്ള ഏഴ്, [...]