ജില്ലയില് നാളെ സമ്പൂര്ണ ലോക്ക്ഡൗണ്; വിവാഹം, മരണം എന്നിവയെ ഒഴിവാക്കി
മലപ്പുറം: കോവിഡ് രോഗികളുടെ എണ്ണം അനിയന്ത്രിതമായി വര്ധിക്കുന്ന സാഹചര്യത്തില് ജില്ലയില് നാളെസമ്പൂര്ണ്ണ ലോക്ഡൗണ് ലോക്ക്ഡൗണ് ഏര്പ്പെടുത്തി. വിവാഹം, മരണം, മെഡിക്കല് എമര്ജന്സി, മെഡിക്കല് സ്ഥാപനങ്ങള്, പെട്രോള് പമ്പുകള് എന്നിവയ്ക്ക് ലോക്ക് ഡൗണ് ബാധകമല്ല.
വൈദ്യ സഹായത്തിനും മറ്റു അടിയന്തിര ആവശ്യങ്ങള്ക്കുമല്ലാതെ പൊതുജനങ്ങള് യാത്ര ചെയ്യാന് പാടുള്ളതല്ല. ലോക്ക് ഡൗണ് ലംഘിക്കുന്നവര്ക്കെതിരെ വാഹനങ്ങള് പിടിച്ചെടുക്കുന്നതടക്കമുള്ള കര്ശ്ശന നിയമ നടപടികള് സ്വീകരിക്കുന്നതാണെന്ന് പോലീസ് വ്യക്തമാക്കി.
വിവാഹം, മരണാനന്തര ചടങ്ങുകള് എന്നിവയില് പരമാവധി 20 പേര് മാത്രമേ പങ്കെടുക്കാന് പാടുള്ളൂ. സ്വകാര്യ ക്ലിനിക്കുകളിലും ആശുപത്രികളിലും രോഗികള് സാമൂഹിക അകലം പാലിക്കണം. ഒരേ സമയം കൂടുതല് രോഗികള് ക്ലിനിക്കില് എത്തുന്നില്ലെന്ന് ഡോക്ടര്മാര് ഉറപ്പുവരുത്തണം. ഇതിനായി മുന്കൂട്ടി ബുക്ക് ചെയ്ത് നിശ്ചിത സമയത്ത് മാത്രം രോഗികള് എത്തുന്നതിനുള്ള നടപടികള് സ്വീകരിക്കണം. നിയമലംഘനം നടത്തുന്ന ക്ലിനിക്കുകള് അടച്ച് പൂട്ടുന്നതിനുള്ള നടപടികള് സ്വീകരിക്കും. സ്വകാര്യ ആശുപത്രികളിലും ക്ലിനിക്കുകളിലും കച്ചവട സ്ഥാപനങ്ങളിലും സാമൂഹിക അകലം കാണിക്കുന്ന അടയാളങ്ങള് രേഖപ്പെടുത്തണം. ഇവിടങ്ങളില് മാസ്ക്, സാനിറ്റൈസര് എന്നിവ നിര്ബന്ധമായും ഉപയോഗിക്കണം. ഗര്ഭിണികളും 10 വയസിന് താഴെയുള്ള കുട്ടികളും 65 വയസിന് മുകളിലുള്ളവരും മെഡിക്കല് ആവശ്യങ്ങള്ക്കല്ലാതെ പുറത്തിറങ്ങാന് പാടില്ല. അയല് വീടുകളിലും രോഗികളെയും പ്രായമായവരെയും സന്ദര്ശിക്കുന്നത് പൂര്ണമായും ഒഴിവാക്കണം.
കടകള് വൈകീട്ട് ഏഴുവരെ പ്രവര്ത്തിക്കാം
ജില്ലയിലെ കണ്ടെയ്ന്മെന്റ് ഒഴികെയുള്ള പ്രദേശങ്ങളിലെ കടകള് രാവിലെ ഏഴ് മുതല് വൈകീട്ട് ഏഴ് വരെ പ്രവര്ത്തിപ്പിക്കാം. ഹോട്ടലുകളും തട്ടുകളിലും ഇരുന്ന് ഭക്ഷണം കഴിക്കാന് പാടില്ല. രാത്രി ഒന്പത് വരെ പാഴ്സല് നല്കാം.
RECENT NEWS
വിദ്യാഭ്യാസ വകുപ്പിൻ്റെ കെടുകാര്യസ്ഥത; എം.എസ്.എഫ് ഡി.ഡി.ഇ ഓഫീസ് ഉപരോധം
മലപ്പുറം: വിദ്യാഭാസ മേഖലയിൽ നിരന്തരം പ്രശ്നങ്ങൾ സൃഷ്ടിച്ച് വിദ്യാർത്ഥികൾക്ക് മൂല്യവത്തായ വിദ്യാഭ്യാസം സർക്കാർ നിഷേധിക്കുകയാണെന്ന് എം.എസ്.എഫ് ജില്ലാ പ്രസിഡൻ്റ് കബീർ മുതുപറമ്പ് പറഞ്ഞു. സ്കൂൾ യൂണിഫോം വിതരണം പൂർത്തിയാക്കുക, വ്യാപക പിഴവുകളുള്ള ഏഴ്, [...]