രോഗത്തിന്റെ പിടിയില് തളരാതെ അമല് എം. എസ്.എഫ് ചങ്ങാതിക്കൂട്ടത്തിന് കൊണ്ടോട്ടിയില് തുടക്കമിട്ടു
![രോഗത്തിന്റെ പിടിയില് തളരാതെ അമല് എം. എസ്.എഫ് ചങ്ങാതിക്കൂട്ടത്തിന് കൊണ്ടോട്ടിയില് തുടക്കമിട്ടു](https://cdn.statically.io/img/malappuramlife.com/wp-content/uploads/2018/04/1-27.jpg)
കൊണ്ടോട്ടി: ജന്മനാ സെറിബ്രല് പാള്സി രോഗബാധിതനും പുളിക്കല് എ.എം.എം. ഹൈസ്കൂളിലെ ആറാം ക്ലാസ് വിദ്യാര്ഥിയുമായ അമല് ഇഖ്ബാല് എം.എസ്.എഫ് ചങ്ങാതിക്കൂട്ടത്തിന് കൊണ്ടോട്ടിയില് തുടക്കമിട്ടു. മുണ്ടകുളം എ.എം.എല്.പി സ്കൂളില് വെച്ചാണ് ലിറ്റില് വിങ് രൂപീകരണവും നിയോജക മണ്ഡലതല ഉദ്ഘാടനവും നടത്തിയത്. രോഗത്തിന്റെ പിടിയില് നിന്നും പതിയെ മുക്തി നേടിക്കൊണ്ടിരിക്കുന്ന അമല്, കുട്ടികള്ക്ക് വേണ്ടി പ്രവര്ത്തിക്കുന്ന മാത്സ് അക്കാദമിയുടെ ബ്രാന്ഡ് അംബാസഡറാണ്. ഒന്നാം ക്ലാസ് മുതല് സംസ്ഥാനതല ശാസ്ത്രമേളയിലും ജില്ലാ തല വായനാ മത്സരത്തിലും സബ്ജില്ല – ജില്ലാതല ക്വിസ് മത്സരങ്ങളിലും വിജയിയാവുന്ന അമല് മികച്ച ഒരു മോട്ടിവഷന് പ്രസംഗികനും കൂടിയാണ്.
വിദ്യാര്ത്ഥികളുടെ സര്ഗാത്മകമായ കഴിവുകള് പ്രകടിപ്പിക്കുവാനും പരിപോഷിപ്പിക്കുവാനുമുള്ള കൂട്ടായ്മയാണ് എം. എസ്. എഫിന്റെ ചങ്ങാതിക്കൂട്ടം പദ്ധതി. ഉദ്ഘാടനത്തോട് അബന്ധിച്ചു വിവിധ മത്സരങ്ങള് നടത്തി. മണ്ഡലം എം.എസ്.എഫ് പ്രസിഡന്റ് പി കെ ശാഹുല് ഹമീദ് അധ്യക്ഷത വഹിച്ചു. ജില്ലാ എം. എസ്. എഫ് സെക്രട്ടറി കബീര് മുതുപറമ്പ്, മണ്ഡലം ജനറല് സെക്രട്ടറി കെ.എം ഇസ്മായീല്, ബ്ലോക്ക് മെമ്പര് ടി.മരക്കാരുട്ടി തുടങ്ങിയവര് സംസാരിച്ചു. മണ്ഡലം ട്രഷറര് കെ.കെ നവാസ് ഷെരീഫ് നന്ദി പറഞ്ഞു.
RECENT NEWS
![](https://malappuramlife.com/wp-content/uploads/2024/07/Nipah.jpg)
നിപ: ആനക്കയത്തും പാണ്ടിക്കാടും കടകളുടെ പ്രവൃത്തി സമയം രാവിലെ ഏഴു മുതൽ വൈകീട്ട് അഞ്ചു വരെ
മലപ്പുറം: ജില്ലയില് നിപ രോഗ വ്യാപനം തടയുന്നതിന്റെയും, രോഗപ്രതിരോധ പ്രവര്ത്തനങ്ങള് ഊര്ജ്ജിപ്പെടുത്തുന്നതിന്റെയും ഭാഗമായി പാണ്ടിക്കാട്, ആനക്കയം ഗ്രാമപഞ്ചായത്ത് പരിധികളില് നേരത്തെ ഏർപ്പെടുത്തിയ നിയന്ത്രണങ്ങള്ക്ക് പുറമേ അധിക നിയന്ത്രണങ്ങള് [...]