കൊണ്ടോട്ടി നഗരസഭ യുഡിഎഫ് പിടിച്ചെടുത്തു

കൊണ്ടോട്ടി: രണ്ടര വര്‍ഷത്തെ ഇടതുബന്ധം വിട്ട് കോണ്‍ഗ്രസ് കൗണ്‍സിലര്‍മാര്‍ മുസ്ലിം ലീഗ് പക്ഷത്തേക്ക് നീങ്ങിയതോടെ കൊണ്ടോട്ടി നഗരസഭയുടെ ഭരണം യുഡിഎഫ് പിടിച്ചെടുത്തു. ഇന്ന് നടന്ന തിരഞ്ഞെടുപ്പില്‍ കോണ്‍ഗ്രസിലെ സി.കെ.നാടിക്കുട്ടിയെ ചെയര്‍മാനായി തിരഞ്ഞെടുത്തു.

ലീഗ്- കോണ്‍ഗ്രസ് പാര്‍ട്ടികളുടെ ജില്ലാ നേതൃത്വങ്ങള്‍ നടത്തിയ ചര്‍ച്ചയിലാണ് സി.കെ.നാടിക്കുട്ടിക്ക് പിന്തുണ നല്‍കാന്‍ ലീഗ് കൗണ്‍സിലര്‍മാര്‍ തീരുമാനിച്ചത്. സിപിഎമ്മിലെ പി.ഗീതയാണ് നാടിക്കുട്ടിക്കെതിരെ ചെയര്‍മാന്‍ സ്ഥാനത്തേക്ക് മത്സരിച്ചത്.

40 അംഗ കൗണ്‍സിലില്‍ ലീഗിന് 18 പേരും കോണ്‍ഗ്രസിന് 10 ഉം അംഗങ്ങളാണുള്ളത്. ഇടതുപക്ഷത്ത് ലീഗ് വിമതനടക്കം 11 പേരാണുള്ളത്.
ഒരാള്‍ എസ്ഡിപിഐ അംഗമാണ്.

ചെയര്‍പേഴ്‌സണ്‍ സ്ഥാനത്തേക്ക് നേരത്തെ നടന്ന തെരഞ്ഞെടുപ്പില്‍ കോണ്‍ഗ്രസിന്റെ പിന്തുണയോടെ സിപിഎമ്മിലെ പി.ഗീത വിജയിച്ചെങ്കിലും എസ്.ഡി.പി.ഐ അംഗത്തിന്റെ വോട്ട് ലഭിച്ചെന്ന് പറഞ് മണിക്കൂറുകള്‍ക്കകം രാജിവെക്കുകയായിരുന്നു.

Sharing is caring!