February 13, 2018

സുന്നി ഐക്യ ചര്‍ച്ചയ്ക്ക് മുന്‍കയ്യെടുത്ത് മന്ത്രി കെ ടി ജലീല്‍

കോഴിക്കോട്: എ പി-ഇ കെ സുന്നികളെ ഒരുമിച്ചിരുത്തി ഐക്യ ചര്‍ച്ചയ്ക്ക് നേതൃത്വം നല്‍കി മന്ത്രി കെ ടി ജലീല്‍. മുസ്ലിം ലീഗിന്റെ വിലക്ക് ലംഘിച്ച് സമസ്ത നേതാക്കള്‍ ചര്‍ച്ചയില്‍ പങ്കെടുത്തു. സി പി എം നേതൃത്വത്തിന്റെ നിര്‍ദേശപ്രകാരമാണ് ജലീല്‍ വിഷയത്തില്‍ ഇടപെട്ടതെന്നാണ് അറിയുന്നത്.

എ പി-ഇ കെ സുന്നികളുടെ നേതാക്കള്‍ ചര്‍ച്ചയില്‍ പങ്കെടുത്തു. വഖഫ് ബോര്‍ഡ് കൈകാര്യം ചെയ്യുന്ന മന്ത്രിയെന്ന നിലയില്‍ ഇരുവരും തമ്മിലുള്ള വിഷയത്തില്‍ സജീവമായി ഇടപെടാന്‍ കഴിയുന്ന മന്ത്രിയെന്ന നിലയിലും, ഇരു വിഭാഗവുമായും അടുപ്പമുള്ള ഇടത്പക്ഷ നേതാവെന്ന നിലയിലുമാണ് മന്ത്രി കെ ടി ജലീലിനെ ഈ ദൗത്യം ഏല്‍പിച്ചത്.

എ പി-ഇ കെ സുന്നികളുടെ ഐക്യം സംബന്ധിച്ച ചര്‍ച്ചകള്‍ സജീവമായ സമയത്താണ് വിഷയത്തില്‍ കെ ടി ജലീല്‍ മുന്‍കയ്യെടുക്കുന്നത്. മുസ്ലിം സംഘടനകളുടെ ഐക്യം എന്നത് ഇരു സംഘടനകളും ഗൗരവത്തില്‍ തന്നെയാണ് എടുക്കുന്നതെന്നത് ചര്‍ച്ചയിലെ ഇവരുടെ സാനിധ്യം വ്യക്തമാക്കുന്നു.

Sharing is caring!