സ്കൂള് പരിസരങ്ങളില് പെണ്കുട്ടികളെ ശല്യം ചെയ്യല് പതിവാക്കിയ മധ്യവയസ്കന് അറസ്റ്റില്
തിരൂരങ്ങാടി: സ്കൂള് പരിസരങ്ങളില് പെണ്കുട്ടികളെ ശല്യം ചെയ്യല് പതിവാക്കിയ മധ്യവയസ്കനെ പോലീസ് അറസ്റ്റ് ചെയ്തു.
പെരുവള്ളൂര് കാടപ്പടി സ്വദേശി വെങ്കുളത്ത് ശാഹുല് ഹമീദ്(47) നെയാണ് തിരൂരങ്ങാടി സി.ഐ സി.എം.ദേവദാസിന്റെ നേതൃത്വത്തിലുള്ള സംഘം അറസ്റ്റ് ചെയ്തത്. സ്കൂള് വിടുന്ന സമയങ്ങളില് സേ്റ്റാപ്പുകളിലും മറ്റും ചെന്ന് നിന്ന് പെണ്കുട്ടികളെ ശല്യം ചെയ്യലാണ് ഇയാളുടെ ഹോബി. തിരൂരങ്ങാടി, മൂന്നിയൂര്, ചേളാരി, യൂണിവേഴ്സിറ്റി തുടങ്ങിയ സ്ഥലങ്ങളിലാണ് ഇയാള് കറങ്ങാറുള്ളത്. ഈ ഭാഗത്തെ കുട്ടികള് ഇയാള്ക്കെതിരെ നല്കിയ നാലുപരാതികള് പോലീസിന് ലഭിച്ചിട്ടുണ്ട്. തുടര്ന്ന് വിവിധ സ്ഥലങ്ങളിലെ സി.സി.ടി.വി ദൃശ്യങ്ങള് പരിശോധിച്ച ശേഷമാണ് പോലീസ് പ്രതിയെ തിരിച്ചറിഞ്ഞത്. യൂണിവേഴ്സിറ്റിയില് വെച്ചാണ് പ്രതിയെ അറസ്റ്റ് ചെയ്തത്. കോടതിയില് ഹാജരാക്കിയ ഇയാളെ റിമാന്ഡ് ചെയ്തു.
RECENT NEWS
കരിപ്പൂരിൽ സ്വർണം തട്ടിയെടുക്കാനെത്തിയ സംഘത്തെ പോലീസ് പിടികൂടി
കരിപ്പൂർ: 56 ലക്ഷം രൂപയുടെ സ്വര്ണ്ണം കടത്തിയ യാത്രക്കാരനും, ഇയാളുടെ അറിവോടെ കടത്ത് സ്വര്ണ്ണം കവര്ച്ച ചെയ്യാന് കരിപ്പൂര് എയര്പോര്ട്ടിലെത്തിയ ആറുപേരടങ്ങിയ കവര്ച്ചാസംഘവും അറസ്റ്റിലായി. ഖത്തറില് നിന്നും 30.04.24 തിയതി [...]