കേരള കോണ്ഗ്രസ് കണ്വെന്ഷനില് പ്രാസംഗികനായി കുഞ്ഞാലിക്കുട്ടി
വേങ്ങര: കേരള കോണ്ഗ്രസ് (എം) വേങ്ങര മണ്ഡലം തിരഞ്ഞെടുപ്പ് കണ്വെന്ഷനില് അതിഥിയായി മുസ്ലിം ലീഗ് ദേശീയ ജനറല് സെക്രട്ടറി പി കെ കുഞ്ഞാലിക്കുട്ടി. യു ഡി എഫിന് വേങ്ങര ഉപതിരഞ്ഞെടുപ്പില് പിന്തുണ പ്രഖ്യാപിച്ച് കുന്നുംപുറത്ത് ചേര്ന്ന യോഗത്തിലാണ് കുഞ്ഞാലിക്കുട്ടി എത്തിയത്.
കേരള കോണ്ഗ്രസിന് ഏറ്റവും ആത്മബന്ധമുള്ള നേതാവാണ് പി കെ കുഞ്ഞാലിക്കുട്ടിയെന്ന് കേരള കോണ്ഗ്രസ് (എം) നേതാവ് തോമസ് ഉണ്ണിയാടന് യോഗം ഉദ്ഘാടനം ചെയ്ത് പറഞ്ഞു. ഈ ആത്മബന്ധം മൂലമാണ് കെ എം മാണി ലോക്സഭ ഉപതിരഞ്ഞെടുപ്പില് അദ്ദേഹത്തിന് പിന്തുണ പ്രഖ്യാപിച്ചത്. ഈ സ്നേഹം തന്നെയാണ് വേങ്ങര മണ്ഡലത്തില് അദ്ദേഹത്തിന്റെ പിന്ഗാമിയായി മല്സരിക്കുന്ന കെ എന് എ ഖാദറിന് പിന്തുണ നല്കാന് കെ എം മാണിയെ പ്രേരിപ്പിച്ചതെന്നും അദ്ദേഹം പറഞ്ഞു.
ലോക്സഭ തിരഞ്ഞെടുപ്പില് തനിക്ക് നല്കിയ പിന്തുണയ്ക്ക് നന്ദിയുണ്ടെന്ന് പി കെ കുഞ്ഞാലിക്കുട്ടി പറഞ്ഞു. കേരള കോണ്ഗ്രസ് (എം) അന്ന് നടത്തിയ പ്രവര്ത്തനങ്ങളെയും അദ്ദേഹം സ്മരിച്ചു. കേരളത്തിന്റെ വികസനത്തില് നിര്ണായക പങ്കുവഹിച്ച നേതാവാണ് കെ എം മാണിയെന്ന് അദ്ദേഹം ചടങ്ങില് പറഞ്ഞു.
കേരള കോണ്ഗ്രസ് (എം) ജില്ലാ പ്രസിഡന്റ് ജോണി പുല്ലന്താണിയും, ജില്ലാ നേതാക്കളും സംബന്ധിച്ചു.
RECENT NEWS
ഡിജിറ്റൽ കാണിക്ക സംവിധാനവുമായി ശ്രീ ആലത്തിയൂർ ഹനുമാൻകാവ് ക്ഷേത്രം, സമർപ്പിച്ചത് യൂണിയൻ ബാങ്ക് ഓഫ് ഇന്ത്യ
തിരൂർ: ശ്രീ ആലത്തിയൂർ ഹനുമാൻ കാവ് ക്ഷേത്രത്തിൽ ഡിജിറ്റൽ ആയി കാണിക്ക സമർപ്പിക്കാനുള്ള സംവിധാനം യൂണിയൻ ബാങ്ക് ഓഫ് ഇന്ത്യ സോണൽ ഹെഡ് ശ്രീമതി രേണു കെ നായർ ഉദ്ഘാടനം ചെയ്തു. നാഷണൽ പേയ്മെന്റ് കോർപ്പറേഷൻ ഒഫ് ഇന്ത്യയുടെ ഭാരത് ക്യൂ ആർ കോഡ് അടിസ്ഥാനമാക്കിയ [...]